Wednesday , May 12 2021
Breaking News
You are here: Home / News / 5 sabungero huli sa tupada
5 sabungero huli sa tupada

5 sabungero huli sa tupada

LIMANG sabungero, kabilang ang isang barangay tanod ang nadakip matapos salakayin ng mga awtoridad ang isang tupadahan sa Malabon City, kamakalawa ng hapon.
 
Kinilala ni Malabon Ctiy Police chief Col. Joel Villanueva ang naarestong suspek na sina Rey Castillo, Sr., 39 anyos, barangay tanodl; Levy Galangue, 48 anyos; Ronel Gregana, 31, kapwa ceiling installer; Renante Ragasa, 27 anyos; Eddie Sanchez, 44 anyos; magkakapitbahay sa Dumpsite Sitio 6 Brgy. Catmon ng nasabing lungsod.
Batay sa pinagsamang ulat nina P/SSgt. Jeric Tindugan at P/Cpl. Renz Marlon Baniqued, nakatanggap ng tawag sa cellphone mula sa isang BIN informant ang mga tauhan ng Malabon Police Station Intelligence Section hinggil sa nagaganap na tupadahan sa nasabing lugar.
Agad bumuo ng team ang SIS sa pangunguna ni P/Lt. Joseph Alcazar, kasama ang Sub-Station 4 sa pangunguna ni P/Lt. Edgardo Magnaye sa ilalim ng pangangasiwa ni Col. Villanueva.
 
 
Matapos nito, sinalakay ng mga tauhan ng SIS at SS4 ang naturang lugar dakong 2:40 pm na nagresulta sa pagkakaaresto sa mga suspek.
Nakompiska ng mga pulis sa lugar ang dalawang patay na panabong na manok, may tari, at P3,600 bet money. (ROMMEL SALES)

About Rommel Sales

Leave a Reply

Your email address will not be published. Required fields are marked *

*

Scroll To Top