Saturday , May 15 2021
Breaking News
You are here: Home / News / Misis binugbog, sinaksak ng selosong Mister
Misis binugbog, sinaksak ng selosong Mister

Misis binugbog, sinaksak ng selosong Mister

MALUBHANG nasugatan ang 40-anyos ginang makaraang gawing ‘punching bag’ at pinagsasaksak sa braso ng selosong mister sa Riverside Market sa Quezon City, nitong Biyernes ng gabi.

Ang biktima ay kinilalang si Marissa Laguardia, 40, kasambahay at misis ng suspek na si Pedro Laguardia, 40, vendor, kapwa naninirahan sa Riverside, Brgy. Commonwealth, Quezon City.

Sa ulat nina P/SMSgt. Mary Jane Balbuena at P/Cpl. Michelle Ram Dela Paz, ng Batasan Police Station 6, Women and Children Protection Desk, dakong 9:30 pm nitoong 1 Mayo, nang maganap ang insidente sa Riverside Market, Brgy. Commonwealth, QC.

Batay sa imbestigasyon, galing sa trabaho, pauwi ang biktima sa kanilang tahanan nang sumulpot sa kaniyang likuran ang mister na armado ng patalim.

Nagulat na lamang umano ang misis nang bigla siyang suntukin sa mukha at sa tiyan ng mister. Hindi pa nakontento ang suspek, inundayan ng saksak sa kaliwang braso ang biktima.

Agad namang naawat ang nagwawalang suspek ng mga istambay sa palengke.

Kinabukasan, 2 Mayo, nagtungo ang biktima sa Batasan Police Station at inireklamo ang mister kaya agad dinakip nina P/Cpl. Bryan Dave Garcia at P/Cpl. Mark Christopher Adrigado.

Nakapiit ang supek at inihahanda ang kasong paglabag sa RA 9262 (Physical Abuse).

(ALMAR DANGUILAN)

 

About Almar Danguilan

Leave a Reply

Your email address will not be published. Required fields are marked *

*

Scroll To Top