Thursday , March 28 2024
philippines Corona Virus Covid-19

‘Singaw’ na datos ‘sungaw’ (Pakulo ng troll, bistado)

ISANG malaking pakulo ng bayarang troll ang iniligwak na memorandum ng Presidential Communications Operations Office (PCOO) kaugnay sa pag-iisyu ng “Regular Updates on World Data on COVID-19” upang palabasin na hindi kulelat ang Filipinas sa pagtugon sa pandemya.
 
Nabatid, pinayohan umano ng bayarang troll ang isang mataas na opisyal ng PCOO na mag-isyu ng memorandum sa mga opisyal na bumubuo ng Integrated News Team (INT) ng kagawaran na nag-uutos na regular silang mag-isyu ng updates kaugnay sa world data para ipakita sa publiko na nagtatrabaho ang administrasyong Duterte.
Matapos ‘mag-leak’ ang memo kamakalawa ay naglabas ng press statement ang PCOO na inamin ang memorandum sa INT members at inilitanya ang mga datos mula sa iba’t ibang website para ipakitang hindi palpak ang administrasyong Duterte sa CoVid-19 pandemic dahil mas maayos ang kalagayan ng bansa kompara sa India.
 
“Hindi kayang baguhin ng memorandum o press statement ang katotohanan kahit bayaran pa ng malaki ang epal na troll gamit ang pera ng bayan,” sabi ng isang political observer.
 
Nainis si Bagong Alyansang Makabayan (Bayan) secretary general Renato Reyes, Jr., sa aniya’y pakulo ng administrasyong Duterte na “puro absolute figures” at walang konsiderasyon sa populasyon.
 
Para kay Reyes, ang tamang datos ay ang inilathalang infographic ng Earth Shaker Philippines na madalas source ng science information sa social media.
 
Ayon sa Earth Shaker Philippines, kahit mas malaki ng 1,293 ang confirmed CoVid-19 cases ng India sa kada 100,000 population, may fatality rate na 1.7% o mas marami ng 15.27 ang namatay sa Filipinas.
Mas mababa nang bahagya umano ang death toll ng India sa 1.1% o 14.46.
 
Mas marami rin ang isinagawang tests at nabakunahan sa India kaysa Filipinas,
 
Sa kabuuang test na isinagawa kada 100,000 population, ang India ay 20,322 kompara sa Filipinas na 10,458.
 
Habang ang bilang ng nabakunahan kada 100,00 population sa India ay 10,619 at sa Filipinas ay 1,513.
Binanggit ng Earth Shaker ang Worldometers.info at Bloomberg’s Vaccine Tracker bilang mga source ng kanilang datos.
 
Ayon sa Earth Shaker, ang pandemya ay hindi isang kompetisyon at kailangan pagsumikapan tuldukan ang pandemya sa pamamagitan ng science-based decisions. (ROSE NOVENARIO)

About Rose Novenario

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …

Leave a Reply

Your email address will not be published. Required fields are marked *