Tuesday , May 11 2021
Breaking News
You are here: Home / Showbiz / Nora gaganap na isang caregiver sa MPK
Nora gaganap na isang caregiver sa MPK

Nora gaganap na isang caregiver sa MPK

NAPAKAGANDANG oportunidad para sa isang caregiver na makarating ng ibang bansa at kumita ng mas malaki pero paano kung sa kanyang pag-alis, bigla namang magkasakit ang kanyang asawa at maligaw ng landas ang kanyang anak?

Ngayong Sabado, panoorin natin ang nakaaantig na kuwento ni Nancy – isang asawa at ina na isinakripisyo ang lahat para maalagaan lamang ang pinakamamahal n’yang asawa at mailigtas sa masamang bisyo ang kanyang anak.

Simple at masaya ang buhay ng mag-asawang Nancy at Tony. Masipag silang magtrabaho dahil gusto nila ay makapagtapos ng pag-aaral ang kanilang mga anak. Subalit, isang matinding pagsubok ang dumating sa kanilang buhay. Inatake sa puso si Tony at naospital. Naibenta nila ang kanilang mga jeepney at puwesto sa negosyo para lamang matugunan ang gastusin ni Tony sa pagpapagamot. Nahinto rin sa pag-aaral ang kanilang mga anak. Dahil dito, nagrebelde ang kanilang anak na si Jona. Nalulong sa droga, alak, at nabuntis pa ng isang adik.

Ngayong Sabado, tunghayan natin sa MagpakailanmanAng Sakripisyong Isang Ina: The Nancy Cañares story.

Itinatampok ang nag-iisang Superstar, Nora Aunor, sa kanyang natatangi at mahusay na pagganap bilang Nancy. Kasama rin sina Ricky Davao, Diva Montelaba, Angeli Bayani, Chlaui Malayao, Rexcy Evert, Mannix Mannix, Roy Sotero, Cathy Remperas, at Enrico Reyes.

Sa ilalim ng premyadong direksiyon ni Maryo J. delos Reyes DGPI, mula sa panulat ni Vienuel Laviña Ello at pananaliksik ni Karen P. Lustica.

Rated R
ni Rommel Gonzales

About Rommel Gonzales

Leave a Reply

Your email address will not be published. Required fields are marked *

*

Scroll To Top