Saturday , May 15 2021
Breaking News
You are here: Home / Hataw Lifestyle / Kambal sa Australia, may iisang boyfriend
Kambal sa Australia, may iisang boyfriend

Kambal sa Australia, may iisang boyfriend

 
Kinalap ni Tracy Cabrera
 
SELANGOR, MALAYSIA — Maaaring marami ang hindi makapaniwala na isang pares ng kambal mula sa Australia ang hindi lamang nagsasalo sa kanilang pagkain, gawain at damit kundi maging sa kanilang kasintahan.
 
Sadyang dinala ng identical twins na sina Anna at Lucy DeCinque, 35, sa mas mataas na antas ang kanilang pagiging kambal sa pagsasalo sa halos lahat ng aspekto ng kanilang buhay — mula sa kanilang higaan, mga damit at ngayon sa kanilang boyfriend na si Ben Byrne, na noong 2012 pa nila ka-date at nakasama sa pamamasyal at paglalambingan.
 
Ayon sa kambal, magkasundo sila kapag nangangasilyas at madalas na nagsasabay para maligo — kaya nga binansagan silang ‘world’s most identical twins.’
 
Inihayag ng dalawa, nagmula sa lungsod ng Perth sa Australia, sa panayam ng The New York Post na balak nilang magpakasal pareho sa kanilang nobyong si Byrne kung maaari nga lang sana ngunit labag umano ito sa batas.
 
“The first night we met him, we both kissed him. It was great from the start. We just hit it off straight away,” ginunita ni Anna, na ngayo’y kasama ang kanyang kapatid at kasintahan habang nagbabakasyon sa Petaling Jaya sa Selangor, Malaysia.
 
“He treats us equally. He knows that whatever he does to one twin, he does to the other,” sabi naman ni Lucy.
 
Kakaiba raw si Byrne, sang-ayon ang dalawa at nauunawaan daw nito ang kanilang espeysal na bond sa isa’t isa kaya kapag natutulog ay magkasiping silang tatlo.
 
“You name it and we do it. We’re never apart. I don’t think we’d function without each other,” ani Lucy.
 
“We have separation anxiety. We’re bound to each other,” dagdag ni Anna.
 
Ayon kay Lucy, nakipag-date na sila dati ngunit hindi ito umubra dahil lagging tinatangkang paghiwalayin sila ng napupusuan nilang binata.
 
 

About Tracy Cabrera

Leave a Reply

Your email address will not be published. Required fields are marked *

*

Scroll To Top