Friday , March 29 2024

Community pantry ‘hinaydyak’ ni Año (Batikos para maiwasan ng gobyerno)

 
ni ROSE NOVENARIO
 
KAHIT inisyatiba ng pribadong sektor ang nagsulputang community pantry sa buong bansa, naglabas ng guidelines ang Department of the Interior ang Local Government (DILG) para sa operasyon nito.
Iniulat ni DILG Secretary Eduardo Año kay Pangulong Rodrigo Duterte, ang itinakdang pamantayan ng kagawaran sa community pantries ay upang matiyak ang pagsunod sa health and safety protocols, mapanatili ang peace and order habang umiiral ang CoVid-19 pandemic.
 
“Itong community pantry ay isa sa puwedeng maging dahilan… na pwedeng dito magsimula ang surge or spike kapag ‘di nasunod ang minimum health standards. Kaya kailangan, mayroong standards na sinusunod… Both ang organizers at ang beneficiaries, at ang mga nagpapatupad ng ating mga batas,” sabi ni Año sa Talk to the People ni Pangulong Duterte.
 
Nauna rito’y umani ng batikos ang administrasyong Duterte sa kapos na ayuda sa mga mamamayang naapektohan ng pandemya kaya nagtitiis pumila sa community pantries para maitawid ang pang-araw-araw na pagkain ng pamilya.
 
Upang magkaroon ng basehan para sitahin o kompiskahin ang anomang political propaganda material sa community pantries, nagtakda si Año ng “Anti-Epal policy” o ang pagbabawal sa mga opisyal ng gobyerno at iba pang indibidwal na ‘gamitin’ ang nasabing aktibidad para isulong ang layuning personal, politikal o kahit propaganda.
 
“Hindi po natin papayagan na magkakaroon ng epal o… Maglalagay ng anumang signage, billboards, posters bearing pictures, pangalan, o images ng mga tao na nagsasagawa ng community pantry, lalo na po ang politicians na gusto pumapel dito sa community pantry,” aniya.
 
Magugunitang ilang beses napaulat ang ginawang profiling at red-tagging sa mga organisador ng community pantries na naging sanhi ng pag-alma ng mga senador sa kanila at nagbunga ng iringan kay National Task Force to End Local Communist Armed Conflict (NTF-ELCAC) Spokespersons Lt. Gen. Antonio Parlade, Jr.
 
Binigyan diin ni Año, hindi kailangan kumuha ng permit mula sa lokal na pamahalaan para makapagtayo ng community pantry.
 
Nagtagubilin ang DILG sa mga organizer at lokal na pamahalaan na laging ipatupad ang pagsusuot ng facemasks at face shields, physical distancing, bawal ang pamimigay ng alak at sigarilyo, huwag maningil sa beneficiaries, pagkakaroon ng koordinasyon ng organizers at LGU at igalang, protektahan ang karapatan ng lahat ng kalahok sa community pantry.
 
Sa ginanap na oral arguments sa Korte Suprema kaugnay sa Anti-Terror Act, ipinahiwatig ni Assistant Solicitor General Raymund Rigodon na posibleng madiin sa paglabag sa ATA ang mga promotor at donors ng community pantry at iba pang charity works maging ang mga isinusulong ng Simbahan.
 
Paliwanag ni Rigodon, alinsunod sa ATA, ang sinomang nagbibigay ng suportang materyal ay dapat alam kung ang tinutulungan niyang grupo o indibidwal ay sangkot sa terorismo o nagsusulong ng terorismo.

About Rose Novenario

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *