Sunday , May 9 2021
Breaking News
You are here: Home / News / Buy bust nauwi sa enkuwentro pusher dedbol sa Cabanatuan
Buy bust nauwi sa enkuwentro pusher dedbol sa Cabanatuan

Buy bust nauwi sa enkuwentro pusher dedbol sa Cabanatuan

WALANG buhay na bumagsak ang isang hinihinalang tulak nang makipagpalitan ng putok sa mga nakatransaksiyong mga operatiba ng Cabanatuan City Police Station SDEU sa pamumuno ni P/Maj. Barnard Danie Dasugo sa ikinasang drug bust nitong Martes, 27 Abril sa Purok Amihan, Brgy. Barrera, sa lungsod ng Cabanatuan, lalawigan ng Nueva Ecija.
 
Kinilala ni P/BGen. Valeriano De Leon ang suspek, batay sa ulat ni P/Col. Jaime Santos, provincial director ng Nueva Ecija PPO, na si Chrisford Mendoza, nasa hustong gulang, residente sa nabanggit na lungsod, walang buhay na bumagsal sa pinangyarihan ng insidente sanhi ng mga tama ng bala sa maselang bahagi ng kanyang katawan.
 
Nakuha sa ng Scene of the Crime Operatives (SOCO) ang isang paltik na kalibre .45 at magasin na may tatlong bala, 31 pakete ng hinihinalang shabu, may timbang na 5.1 gramo, nagkakahalaga ng P31,000; dalawang pakete ng pinatuyong dahon ng hinihinalang marijuana na may timbang na 10 gramo, nagkakahalaga ng P5,000; isang nakabalot sa aluminum foil ng pinatuyong dahon ng marijuana, at marked money na ginamit sa operasyon.
 
“PNP-PRO3 is continuously invigorating its effort to wipe out all forms of illegal drugs in order to achieve its quest to stop the proliferation of illegal drugs in the region,” pahayag ni P/BGen. De Leon. (RAUL SUSCANO)
 

About Raul Suscano

Leave a Reply

Your email address will not be published. Required fields are marked *

*

Scroll To Top