Monday , May 10 2021
Breaking News
You are here: Home / News / DoE tiniyak na walang power outages ngayong tag-init
DoE tiniyak na walang power outages ngayong tag-init

DoE tiniyak na walang power outages ngayong tag-init

MANILA — Sa kabila ng banta ng kakulangan sa supply ng enerhiya sa bansa, tiniyak sa publiko ng Department of Energy (DoE) na hindi magkakaroon ng mga power outage para sa sa mga electricity consumer sa Luzon grid habang nasa panahon ng tag-init ngayon taon.
 
Gayon man, inihayag din ng Energy Power Industry Management Bureau (EPIMB) ng DoE, sa inaasahang demand peak na umaabot sa 11,000 megawatt nitong darating na buwan ng Mayo, maaaring hindi mapunuan ang energy supplies dahil sa “sustained community quarantine situation.”
 
Ayon kay EPIMB director Mario Marasigan, dahil sa nasabing sitwasyon, hindi magkakaroon ng mga power outage sa buwan ng Abril, Mayo at Hunyo.
 
“Ang challenge po natin ay iyong maintenance and schedule ng power plants,” una niyang tinukoy habang ipinapaliwanag ang kasalukuyang kalagayan ng enerhiya sa ilang mambabatas sa isinagawang hearing kamakailan sa Senado.
 
Nitong nakaraang linggo, pinunto ng kagawaran ng enerhiya na may posibilidad ng paglabas ng yellow alert mula sa kalagitnaan ng Abril hanggang sa unang bahagi ng Mayo at mangangahulugan ito ng pagnipis ng mga reserba kahit hindi inaasahan ang mga power outage.
 
Nanawagan din ang ahensiya sa seven generation company na tumigil ang operasyon simula noong Marso na ihayag kung kailan magbubuks muli ang kanilang mga planta.
 
Tinukoy ang nabanggit na mga kompanya na Asia Pacific Energy Corporation, Caliraya-Botocan-Kalayaan Power Company Ltd., Luzon Hydro Corporation, First Gas Power Corporation, GNPower Mariveles Center Ltd. Co., Petron Corporation at Sem Calaca Power Corporation. (TRACY CABRERA)
 
 
 

About Tracy Cabrera

Leave a Reply

Your email address will not be published. Required fields are marked *

*

Scroll To Top