Saturday , May 15 2021
Breaking News
You are here: Home / News / Bank official, mister kalaboso sa ‘nakaw’ na koryente

Bank official, mister kalaboso sa ‘nakaw’ na koryente

SWAK sa hoyo ang wanted na mag-asawang sina Nicasio Yuson, 43 anyos, at Ma. Carlota Yuson, 40, matapos maaresto sa Ignacio St., Brgy. Daang Hari, Navotas City, gabi nitong 26 Abril 2021, sa krimeng pagnanakaw ng koryente.
 
Dala ang warrant of arrest, agad nadakip si Nicasio sa gate ng kanyang tirahan saka sumunod na naaresto ang asawang si Carlota.
 
Nagpakilalang marketing officer ng isang banko ang babaeng Yuson samantala wala namang trabaho ang mister.
 
Ang mag-asawang Yuson ay may tig-dalawang warrant of arrest sa paglabag sa ikalawang seksiyon ng Republic Act 7832 o Anti-Electricity and Electric Transmission Lines/ Materials Pilferage Act of 1994.
 
Nilalayon ng nasabing batas na bigyang katarungan ang mga tapat na nagbabayad ng buwanang konsumo ng koryente sa pamamagitan ng pagsupil o pagpigil, paghuli at pagpapataw ng multa at pagkabilanggo ng mga magnanakaw ng koryente.
 
Dalawang beses umanong nahuli ng Meralco ang mag-asawa sa akto ng pagnanakaw ng koryente bukod pa sa hindi pagbabayad ng kanilang bill ng koryente. Napag-alaman ng mga service crew ng Meralco, hindi dumaraan sa metro ng koryente ang kanilang tinitirhan kaya pinutulan sila ng serbisyo at sinampahan ng kaso.
 
Agad ikinabit ng mag-asawa ang mga ilegal na linya kahit hindi pa nababayaran at naayos ang unang kaso.
 
Kung mahahatulan, ang mag-asawa ay maaaring mahatulan ng anim na taon at isang araw hanggang 12 taon pagkakakulong, at mga multang itatakda ng korte.

About hataw tabloid

Leave a Reply

Your email address will not be published. Required fields are marked *

*

Scroll To Top