Wednesday , May 12 2021
Breaking News
You are here: Home / News / Motrobike ng parak tinangay ‘motornapper’ arestado
Motrobike ng parak tinangay ‘motornapper’ arestado

Motrobike ng parak tinangay ‘motornapper’ arestado

TIMBOG ang 24-anyos lalaki na tumangay ng motorsiklo ng isang miyembro ng Philippine National Police (PNP), sa Makati City, iniulat kahapon.
 
Kinilala ni National Capital Region Police Office (NCRPO) Police Major General Vicente Danao, Jr., ang suspek na si Paul Matthew Tanglao, nasa detention cell ng Taguig City Police.
 
Inihahanda ang isasampang reklamong paglabag sa Republic Act No. 10883 (New Anti-Carnapping Law).
 
Hinuli si Tanglao nitong Sabado, 24 April, habang gumagala sa Cadena de Amor St., Barangay Pembo, Makati City.
 
Base sa imbestigasyon ng pulisya, tinangay nitong Biyernes, 23 Abril, ang isang Raider Fl 115 na kulay itim habang nakaparada sa harap mismo ng Pinagsama Police Sub-Station 3, kung saan nakadestino ang may-ari ng motor na si P/Major Fernando Carlos.
 
Natunton ang kinaroroonan ng suspek sa tulong ng confidential informant, kaya agad siyang hinuli ng mga operatiba ng Taguig Police.
 
“I commend the immediate response made by Taguig City Police Station operatives to apprehend the suspect. Their decisive action is the reason why the suspect was arrested instantly after receiving the report from the confidential informant,” anang NCRPO Director. (JAJA GARCIA)

About Jaja Garcia

Leave a Reply

Your email address will not be published. Required fields are marked *

*

Scroll To Top