Thursday , May 6 2021
Breaking News
You are here: Home / News / Serye-exclusive: Villamin gustong pumasok sa politika
Serye-exclusive: Villamin gustong pumasok sa politika

Serye-exclusive: Villamin gustong pumasok sa politika

ni ROSE NOVENARIO

NAGING instant bilyo­naryo si Dexter Villamin ng DV Boer Farm Inc., dahil sa kanyang programang Pa-Iwi at Microfinance.

Kung dati’y napakaaktibo ni Villamin sa lahat ng social media platform at maging sa radyo at telebisyon, ni anino niya ngayo’y hindi mahagilap ng libo-libong investors na naniningil ng kita ng kanilang inilagak na puhunan sa DV Boer programs.

Hilong talilong ang investors kung saan siya hahanapin, sa Ayala Alabang at Versailles ba sa Muntinlupa City o sa Rockwell sa Makati City?

May ilang naghihi­nala na maaaring nasa Batangas lamang siya ngunit isang source ang nagtungo kamakailan sa DV Boer Farm sa Brgy. Balibago, Lian, Batangas pero ang sabi ng katiwala, hindi na halos nagpa­pakita roon si Villamin.

Kahit may mga syndicated estafa case na isinampa laban sa kanya sa iba’t ibang parte ng bansa, tila hindi natitinag si Villamin sa kanyang ambisyong manatili sa alta sociedad.

Nabatid sa source na plano umanong ituloy ni Villamin ang naunsyami niyang pangarap na maging politiko.

Nauna rito’y tinangka umanong gamitin ni Villamin ang koneksiyon sa militar upang i-red-tag si Magsasaka partylist Argel Cabatbat.

Suko hanggang langit umano ang galit ni Villamin kay Cabatbat matapos patalsikin ang kanyang grupo mula sa partylist nang magsunod-sunod ang mga rekla­mong isinampa ng investors laban sa DV Boer noong 2019.

Isa umano sa mga pangarap ni Villamin na maging ka-level ang mga naging kakiskisang sikong mambabatas na sina sina Senators Cynthia Villar at Senate President Tito Sotto. (May Karugtong)

 

About Rose Novenario

Leave a Reply

Your email address will not be published. Required fields are marked *

*

Scroll To Top