Wednesday , May 12 2021
Breaking News
You are here: Home / News / 3 tulak ng droga, nalambat sa Navotas
3 tulak ng droga, nalambat sa Navotas

3 tulak ng droga, nalambat sa Navotas

NALAMBAT ng pulisya ang tatlong hinihinalang drug personalities kabilang ang isang 62-anyos lolo sa isinagawang buy bust operation sa Navotas City, kamaka­lawa ng gabi.

Kinilala ni Navotas City Police chief Col. Dexter Ollaging ang naa­restong mga suspek na sina Carl Lewis Urqueza, 21 anyos; Ernanie Santos, 43 anyos; nakalista  sa pagiging  pusher at Rey­nal­do Cruz, 62 anyos, lolo, pawang residente sa Wawa St., Brgy. Tangos South ng nasabing lung­sod.

Ayon kay Col. Ollaging, dakong 11:45 pm nang magsagawa ng buy bust operation ang mga operatiba ng Station Drug Enforcement Unit (SDEU) sa pangunguna ni P/Lt. Genere Sanchez sa kahabaan ng  bahay ng mga suspek sa nasabing lugar.

Nagawang makapag­transaksiyon ni Pat. Leo Dave Legaspi na nagpanggap na buyer kay Urqueza at Santos ng P300 halaga ng shabu at nang tanggapin ng mga suspek ang marked money mula sa poseur buyer kapalit ng droga, agad silang dinamba ng mga operatiba.

Kasamang inaresto ng mga operatiba si Cruz na sinasabing umiskor din ng droga sa dalawa at na­kom­piska sa mga suspek ang 10 plastic sachets na naglalaman ng 10 gramo ng hinihinalang shabu na tinatayang nasa P108,800 ang halaga, buy bust money at P300 cash.

Nahaharap ang mga kasong paglabag sa RA 9165 o ang Comprehensive Dangerous Drug Act of 2002.

(ROMMEL SALES)

About Rommel Sales

Leave a Reply

Your email address will not be published. Required fields are marked *

*

Scroll To Top