Monday , May 10 2021
Breaking News
You are here: Home / News / Kelot naka-t-shirt ng NBI, misis, pinagbabaril sa Makati City patay
Kelot naka-t-shirt ng NBI, misis, pinagbabaril sa Makati City patay

Kelot naka-t-shirt ng NBI, misis, pinagbabaril sa Makati City patay

PATAY ang mag-asawa nang pagbabarilin habang nakalulan sa isang kulay puting van, sa Makati City kahapon ng hapon.

Kinilala ng pulisya, ang mag-asawang biktima, na sina Bonifacio de Vera, at Remegia De Vera, kapwa sakay ng isang Toyota Hi-Ace van, may plakang ADA 1463.

Pasado 1:00 pm nang mangyari ang pamamaril sa Jupitert St., Makati City.

Inaalam ng mga awtoridad kung may koneksiyon sa National Bureau of Investigation (NBI) ang lalaking biktima na nakasuot ng itim na jacket may nakasulat na “NBI” habang nakasubsob sa driver seat at ang tsinitang babae ay nakasubsob din sa likod ng driver’s seat.

Habang isinusulat ang balitang ito’y iniimbesti­gahan pa ang insidente.

Sinasabing isang kulay puting kotse ang huminto sa unahan ng sasakyan ng mga biktima at nakitang kausap ng suspek ang babae, na pinaniniwalaang magkakilala.

Nagkaroon ng pagtatalo ang biktima at ang kausap nito, at maya-maya pa’y umalingawgaw ang putok ng baril.

Humarurot papa­takas ang sasakyan ng suspek ngunit hindi natukoy kung ilan ang sakay nito.

May nakuhang closed circuit television (CCTV) footages na ngayon ay pinag-aaralan pa ng pulisya.

Nakitang may mga larawan ng sasakyan na naka-print sa loob ng van ng mga biktima na posibleng may isyu ng sanglaan.

Isang kalibre .45 baril ang nakuha sa sling bag ng lalaking biktima.

(JAJA GARCIA)

About Jaja Garcia

Leave a Reply

Your email address will not be published. Required fields are marked *

*

Scroll To Top