Friday , March 29 2024

Jhong family muna bago work

HANGA kami kay Jhong Hilario. Binitiwan niya ang dalawa niyang show, ang It’s Showtime at Your Face Sounds Familiar alang-alang sa kanyang bagong silang na anak na si Sarina.

Family first muna para sa kanya. Natatakot siya na sa paglabas-labas niya ng bahay para mag-report sa It’s Showtime at YFSF ay makakuha siya ng  Covid at mahawaan ang kanyang panganay.

Sa pamamagitan ng Zoom video call with Luis Manzano, host ng YFSF, in-announce ni Jhong sa televiewers na hindi na siya mapapanood dito.

Sabi ni Jhong, ”Nakalulungkot na sabihin ito sa inyong lahat, kailangan ko munang magpaalam sa ‘Your Face Sounds Familiar.’ Mayroon kasing bata na alam mo, kapag may naramdaman ang bata, hindi siya nakakapagsalita, eh.”

Ayon pa kay Jhong, may mga gabing hindi siya nakatutulog, dahil nahihirapan siya sa kanyang desisyon na iwan ang nasabing reality show na isa siya sa contestant.

“Pinag-isipan ko ito, hindi ako nakatulog pero itong desisyon po na ito, talagang inisip ko talaga ‘yung anak ko. Gusto kong malaman niya paglaki niya, kaya ko ginawa ‘yun dahil mahal ko siya.”

Sa narinig kay Jhong, sinabi ni Luis na naiintindihan niya ang naging desisyon ng TV host-comedian.

Sabi ni Luis kay Jhong, ”Naiintindihan namin iyon. Mahal ka namin and sabi nga natin, always family first. Kaya sa ngalan ng lahat ng kasamahan mo rito sa ‘Your,’ nalulungkot man kami na hindi man makasama ang isang Jhong Hilario, eh, naiintindihan namin. We wish you the best sa newest chapter ng iyong buhay. Good luck and we will see you soon, our Sample King Jhong Hilario.”

Bago matapos ang Zoom video call, pinasalamatan  ni Jhong ang management ng ABS-CBN sa pagpayag na iwan niya ang YFSF.

“Gusto kong pasalamatan ang ABS-CBN management, ang ‘Your Face Sounds Familiar’ family dahil sa pag-iintindi nila na nagpaalam ako sa kanila and sinabi nila na yes, family first. Kaya maraming salamat po, Kapamilya. Maraming-maraming salamat po.”

MA at PA
ni Rommel Placente

About Rommel Placente

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *