Monday , May 10 2021
Breaking News
You are here: Home / News / 2 kelot timbog sa damo
2 kelot timbog sa damo

2 kelot timbog sa damo

MAHIGIT kalahating kilo ng marijuana ang nasabat ng mga operatiba ng Station Drug Enforcement Unit (SDEU) ng Las Piñas City Police sa dalawang lalaki kahapon.

Nadakip ang dala­wang lalaki sa ikinasang buy bust operation ng mga awtoridad sa Barangay Pulang Lupa Dos, Las Piñas City.

Sa ulat kay P/BGen. Eliseo Cruz, director ng Southern Police District (SPD), ng Las Piñas Police SDEU, hinuli ang dalawang suspek na kinilalang sina Edward Pastera, at Vicente Bautista IV, nitong Sabado, 17 Abril, sa Rosal St., Vergonville Subd., Brgy. Pulang Lupa Dos.

Nakabilli ang poseur-buyer ng dalawang stick ng marijuana sa halagang P300 kaya nahuli ang dalawang suspek.

Nakuha sa mga suspek ang ziplock plastic na naglalaman ng pinatuyong dahon ng marijuana na may fruiting tops, nasa 579 gramo, may street value na P69,480 at isang timbangan.

Isinailalim ang dalawang suspek sa inquest proceedings sa Las Piñas Prosecutor’s Office  dahil sa paglabag sa Republic Act 9165  Section 11 at 5 (Comprehensive Dangerous Drugs Act of 2002). JAJA GARCIA)

About Jaja Garcia

Leave a Reply

Your email address will not be published. Required fields are marked *

*

Scroll To Top