Wednesday , May 12 2021
Breaking News
You are here: Home / Showbiz / Mga anak ng artistang bina-bash maproteksiyonan kaya ng Star Magic?
Mga anak ng artistang bina-bash maproteksiyonan kaya ng Star Magic?

Mga anak ng artistang bina-bash maproteksiyonan kaya ng Star Magic?

MAGANDA naman iyong sinabi ng Star Magic na laban sila sa mga heckler na naninira at nagbabanta sa mga walang malay na bata, na anak ng kanilang stars. Kasunod iyan ng walang habas na pamimintas ng ilang hecklers sa anak nina Janella Salvador at Markus Paterson. Nasundan pa iyan ng bashing na may halo pang pagbabanta roon sa wala pang malay na anak nina Carlo Aquino at Trina Candaza.

Sa ginawa nilang iyan, sasabihin mo, ayan may Star Magic pa pala kahit nawalan na ng franchise ang ABS-CBN at umalis na rin doon si director Johnny Manahan.

Pero ano nga ba ang gagawin ng Star Magic para bigyan ng proteksiyon ang mga anak ng mga star nila?

Kung kikilos sila talaga baka may mangyari. Kahit na sabihin mong off the air sila, may blocktime naman sila sa ibang channels, at may mga cable channels sila. Maaari nilang gawing issue iyang bagay na iyan Ewan namin kung aktibo pa ba ang kanilang Bantay Bata dahil hindi na namin naririnig. Pero maaari nilang pakilusin ang legal team ng Bantay Bata para habulin ang mga basher na iyan.

Pero ang tanong, magagawa ba ng Star Magic ang lahat ng iyan?

HATAWAN
ni Ed de Leon

About Ed de Leon

Leave a Reply

Your email address will not be published. Required fields are marked *

*

Scroll To Top