Sunday , May 9 2021
Breaking News
You are here: Home / Showbiz / Cherie Gil, ibubugaw ang sariling anak sa #MPK
Cherie Gil, ibubugaw ang sariling anak sa #MPK

Cherie Gil, ibubugaw ang sariling anak sa #MPK

NGAYONG Sabado (April 17), kakaibang pagganap ang masasaksihan mula kina Cherie Gil at Gabbi Garcia sa nakaaantig na episode ng real-life drama anthology na Magpakailanman.

Dahil sa kahirapan at kagustuhang itaguyod ang pamilya, kakapit sa patalim si Magda (Cherie) at ibubugaw ang kanyang dalagitang anak na si Pia (Gabbi) sa iba’t ibang lalaki.

Susuwertehin sila sa pagdating ni Ramon (Leo Martinez), isang mayamang lalaki na mamahalin si Pia at sasagutin pa ang pag-aaral ng dalaga at mga kapatid niya. Sa kasamaang palad, magbubunga ang relasyon nina Pia at Ramon at hihikayatin ng lalaki na ipalaglag ang bata dahil may sarili na siyang pamilya.

Tutulad nga ba si Pia sa kanyang ina na kinayang ipahamak ang sariling anak?

Kasama rin sa episode sina Phytos Ramirez, Gilleth Sandico, Kenneth Paul Cruz, Lindsay De Vera, Sean Rose, Citadel Mariano, at Mimi Juareza.

Huwag palampasin ang natatanging pagganap nina Cherie at Gabbi sa episode na pinamagatang Ina Ko, Bugaw Ko ngayong Sabado, April 17, 8:00 p.m. sa #MPK.

(ROMMEL GONZALES)

About Rommel Gonzales

Leave a Reply

Your email address will not be published. Required fields are marked *

*

Scroll To Top