Friday , May 14 2021
Breaking News
You are here: Home / News / Tulak dedo sa shootout sa anti-narcotics ops (Sa Nueva Ecija)
Tulak dedo sa shootout sa anti-narcotics ops (Sa Nueva Ecija)

Tulak dedo sa shootout sa anti-narcotics ops (Sa Nueva Ecija)

PATAY ang isang hinihinalang drug peddler sa ikinasang buy bust operation na humantong sa shootout sa pagitan ng suspek at mga operatiba ng Cabanatuan City Police Station SDEU sa pamumuno ni P/Lt. Col. Barnard Danie Dasugo, hepe ng Cabanatuan City Police Station, nitong Biyernes, 9 Abril, sa Talipapa, lungsod ng Cabanatuan City, lalawigan ng Nueva Ecija.

Ayon sa report ni P/Col. Jaime Santos, direktor ng Nueva Ecija PPO, dead on the spot ang suspek na kinilalang si Roberto dela Cruz, residente sa Mayapyap Sur, sa nabanggit na lungsod.

Nanlaban umano sa mga operatiba ang suspek na nagresulta ng kanyang kamatayan mula sa mga tama ng bala ng baril sa iba’t ibang bahagi ng katawan.

Nakuha ng Scene of the Crime Operatives (SOCO) sa pinangyarihan ng insidente ang isang kalibre .38 pistola, limang basyo ng kalibre 9mm baril, limang pakete ng hinihinalang shabu na may timbang na 25.24 gramo, nagkakahalaga ng P171,632, at marked money na ginamit sa operasyon. (RAUL SUSCANO)

About Raul Suscano

Leave a Reply

Your email address will not be published. Required fields are marked *

*

Scroll To Top