Thursday , May 6 2021
Breaking News
You are here: Home / News / Non-residents, non-essential travels hindi pinalusot sa Bulacan border
Non-residents, non-essential travels hindi pinalusot sa Bulacan border

Non-residents, non-essential travels hindi pinalusot sa Bulacan border

SA IKALAWANG linggo ng pagpapa­tupad ng enhanced community quarantine (ECQ) sa NCR Plus, nananatiling mahaba ang pila ng mga sasakyan sa boundary ng North Caloocan at lungsod ng San Jose del Monte, sa lalawigan ng Bulacan.

Naging mahigpit ang ginagawang pagpa­patupad ng Philippine National Police at lokal na pamahalaan ng San Jose del Monte ayon sa resolusyon ng IATF.

Tanging pinapa­yagan lamang sa guidelines ng IATF ang hinahayaang maka­pasok sa lalawigan ng Bulacan na kabilang sa mga lugar na nasa NCR Plus.

Iniisa-isa ng mga awtoridad ang ID at dokumento ng mga dumaraan sa checkpoint at maging ang dala ng mga motorcycle rider na magde-deliver sa Bulacan ay binubusisi.

Sa isang pagkakataon, may isang galing ng lungsod ng Antipolo at magde-deliver ng bisikleta ang hindi pinayagang makapasok sa checkpoint kaya tinawagan na lamang niya ang kanyang pagdadalhan ng order.

Samantala, hindi pinayagang makalusot sa checkpoint ang isang residente ng SJDM dahil wala siyang maipakitang ID kaya tinawagan niya ang kasama niya sa bahay upang dalhin ang ID sa checkpoint.

Mayroong magkapatid ang dadalaw sana sa kanilang nanay na taga-San Jose del Monte galing sa Quezon City ngunit pinababa ng dyip dahil hindi sila taga-Bulacan.

Mayroong sakay ng kotse na hindi pinayagang makapasok sa Bulacan dahil hindi kabilang sa Authorized Person Outside of Residence (APOR) at hindi rin essential ang lakad.

Maging ang mga bus ay inaakyat ng mga kagawad ng pulisya upang malaman kung taga-Bulacan ang sakay nito at kung sila ay mga APOR.

(MICKA BAUTISTA)

 

About Micka Bautista

Leave a Reply

Your email address will not be published. Required fields are marked *

*

Scroll To Top