Tuesday , May 18 2021
Breaking News
You are here: Home / News / Tulak kumasa sa parak, tigbak (Sa Marilao, Bulacan)
Tulak kumasa sa parak, tigbak (Sa Marilao, Bulacan)

Tulak kumasa sa parak, tigbak (Sa Marilao, Bulacan)

PATAY ang isang hinihinalang tulak ng ilegal na droga sa inilatag na buy bust operation ng mga awtoridad sa bayan ng Marilao, lalawigan ng Bulacan, nitong Lunes ng madaling araw, 5 Abril.

Kinilala ni P/Col. Lawrence Cajipe, provincial director ng Bulacan PNP, ang napaslang na suspek na si Dominador Donia, alyas Junior, residente sa Brgy. Ibayo, sa nabanggit na bayan.

Sa ulat mula kay P/Lt. Col. Rolando Gutierrez, hepe ng Marilao Municipal Police Station (MPS), dakong 12:10 am kama­kalawa nang magkasa ng buy bust operation ang mga operatiba ng Station Drug Enforcement Unit ng Marilao MPS sa naturang barangay laban sa suspek.

Matapos ang napag­kasunduang transak­siyon sa droga, nakatunog ang suspek sa presensiya ng mga pulis kaya bumunot ng baril at pinaputukan ang mga alagad ng batas na agad nagsikubli.

Napilitang gumanti ang mga pulis at sa ilang minutong palitan ng putok ay nasapol ng bala sa kata­wan ang suspek na nag­resulta sa kanyang kamatayan.

Sa pagproseso ng Bulacan SOCO team sa pinangyarihan ng krimen, nnakuha ng isang kalibre .38 revolver, mga basyo at bala, anim na selyadong plastic sachet ng hinihinalang shabu, at buy bust money.

(MICKA BAUTISTA)

About Micka Bautista

Leave a Reply

Your email address will not be published. Required fields are marked *

*

Scroll To Top