Wednesday , May 12 2021
Breaking News
You are here: Home / Showbiz / Gerald nabunutan ng tinik nang ilantad ang relasyon nila ni Julia
Gerald nabunutan ng tinik nang ilantad ang relasyon nila ni Julia

Gerald nabunutan ng tinik nang ilantad ang relasyon nila ni Julia

AMINADO si Gerald Anderson na tila nabunutan siya ng tinik nang finally ay aminin na niya ang relasyon nila ni Julia Barretto.

Ani Gerald sa isang panayam, ”Personally, it’s just something na parang naramdaman ko na kailangan ko nang gawin for peace of mind. Nabunutan ako ng tinik.

“After that, wala, tuloy lang ang buhay. Mayroon mas malalaking problema na hinaharap natin lahat kaysa ‘yung interview ko kay Tito Boy (Abunda). Personally, it’s something na I had to do. Move on na.”

Ma­tagal din kasing naging pahulaan kung sila nga ang nag­katuluyan matapos nilang makipag­hiwalay sa kani-kanilang karelasyon. Si Julia kay Joshua Garcia at si Gerald kay Bea Alonzo na nauwi pa sa tsikang ghosting.

May mga balita ring napagkikita silang magkasama sa isang lugar subalit walang kompirmasyon mula sa dalawa.

At nang umamin na finally si Gerald sa pamamagitan ng show online ni Boy Abunda, napanatag na ang Kapamilya actor. Hindi na nila kinailangang magtago pa ni Julia sakaling magkasama sila sa galaan o out of town.

Kamakailan hindi na rin sila nahirapan pa na ipakita na magkasama sa isang event noong Easter Sunday with Dr Vicky Belo at Hayden Kho.

Sinabi pa ni Gerald na  nawala na ang nararamdaman niyang bigat sa  dibdib at clear na clear na ang takbo ng kanyang isipan dahil wala na silang itinatago ng kanyang girlfriend na si Julia.

SHOWBIZ KONEK
ni Maricris Valdez Nicasio

About Maricris Valdez Nicasio

Leave a Reply

Your email address will not be published. Required fields are marked *

*

Scroll To Top