Friday , May 14 2021
Breaking News
You are here: Home / News / Obligasyon ipinasa ng DOH sa LGUs
Obligasyon ipinasa ng DOH sa LGUs

Obligasyon ipinasa ng DOH sa LGUs

IPINASA ng Department of Health (DOH) sa mga lokal na pamahalaan ang res­ponsibilidad sa pag­papatupad ng triage system sa CoVid-19 patients upang isalba ang pabagsak nang health care system sa bansa.

Ayon kay Veregeire, unang ipatutupad ang triage system sa mga lokal na pamahalaan sa Metro Manila, susunod sa Gitnang Luzon at Calabarzon o Region IV-A hanggang umabot sa buong bansa.

Batay sa nasabing estratehiya, susuriin ng local health workers kung kailangang dalhin sa ospital o quarantine facility ang isang taong positibo sa CoVid-19 base sa sintomas.

“This is a layer we are trying to include in the structure. Puputulin natin ang structure na from the home or the LGU, [people go] straight to the hospital,” sabi niya.

Sa ganitong paraan aniya ay magiging mas organisado ang proseso at may layunin na mapaluwag ang mga pagamutan.

Base aniya sa isinagawang census ng DOH, karamihan sa mga pasyenteng may CoVid-19 sa mga ospital ay may mild symptoms o kaya’y walang sintomas o asymptomatic.

“Tayo ay nakakuha na ng census sa mga hospital, how many are asymptomatic and mild who are currently admitted in our hospitals, and we will start to extract them from the hospitals and bring them sa mga naitala natin na [to the available] beds from local governments,” sabi niya.

Idinagdag niya na iuugnay ang triage system sa One Hospital Command Center at sa mga ambulansiya na gagamitin ng local health workers sa pag­da­la sa mga pasyente sa mga pagamutan. (RN)

About hataw tabloid

Leave a Reply

Your email address will not be published. Required fields are marked *

*

Scroll To Top