Monday , August 2 2021
Breaking News
You are here: Home / News / 150 bikers hinuli sa Maynila
150 bikers hinuli sa Maynila

150 bikers hinuli sa Maynila

PINAG-EHERSISYO at ibinilad sa araw ng Manila Police District (MPD)  ang mahigit sa 150 siklista na hinuli makaraang mamataan na nagkukumpol sa mag­kahiwalay na lugar sa Quiapo at Roxas Boulevard, sa Maynila kahapon ng umaga.

Nabatid kay Manila Police District (MPD) director, P/BGen. Leo Francisco, ang mga biker ay umabuso sa window hours para sa pag-eehersisyo mula 6:00 – 9:00  ng umaga.

Ayon kay MPD Sta. Cruz Station (PS3) commander P/Lt. Col. John Guiagui, ang mga hinuling siklista ay pawang residente sa ibang lungsod gaya ng Quezon City.

Nabatid, ang window hour sa pag-eehersisyo ay 6:00 – 9:00 ng umaga ngunit pinapayagan lamang sa loob ng kanilang barangay o lungsod at hindi maaaring tumawid sa karatig na siyudad.

Hinuli ang mga siklista makaraang mapansin ng mga pulis ang umpukan ng grupo sa Quiapo, Maynila.

Samantala, ilang grupo rin ng bikers ang hinuli ng MPD DMFB sa pangunguna ni P/Lt. Col. Julius Añonuevo sa kanilang pagpapatrolya, nang mamataan na nag-uumpukan ang grupo sa Roxas Blvd., Service Road Ermita, Maynila.

Nang imbestigahan ng pulisya, nabatid na pawang dayo sa Maynila at residente sa ibang mga siyudad ang mga siklista.

“Ang instruction ko kaninang umaga kay PS3 commander kapag nakuha ang mga identification ay i-release na,” ani Francisco.

Aniya, maaaring mag-ehersisyo habang may ECQ ngunit dapat ay  sa harap lamang ng kanilang bahay o sa loob lamang ng kani-kanilang barangay.

Pinauwi rin ang mga siklista makaraan ang ‘ehersisyong ‘bilad sa araw’ at nang makuha ng pulisya ang mga pagkakilanlan upang isailalim sa case filing sa paglabag sa ECQ protocol na karamihan ay hindi kabilang sa authorized person outside residence (APOR).

(BRIAN BILASANO)

About Brian Bilasano

Leave a Reply

Your email address will not be published. Required fields are marked *

*

Scroll To Top