Wednesday , May 12 2021
Breaking News
You are here: Home / News / Pampanga ex-Provincial Health Officer pinarangalan (Sa death anniversary)
Pampanga ex-Provincial Health Officer pinarangalan (Sa death anniversary)

Pampanga ex-Provincial Health Officer pinarangalan (Sa death anniversary)

HUWAG pahalagahan ang mga materyal na bagay dahil panandalian lang ito, sa halip ay pahalagahan ang Faith, Hope, at Love, and do not walk side by side instead walk by faith. Kagaya ng pagpapaalala sa atin ng CoVid-19, ang kamatayan na ‘di natin natitiyak ang pagdating, bukas o, sa ‘makalawa, na dapat paghandaan.”

Sinambit ito ng Kura Paroko sa kanyang homilya sa inihandog na misa at pasasalamat ng mga empleyado ng kapitolyo at kapwa frontliners, mga dating tauhan, at kasamahan ni Dr. Marcelo Jaochico, Provincial Health Officer sa lalawigan ng Pampanga sa paggunita ng kanyang death anniversary nitong Miyerkoles, 24 Marso.

Ayon sa Kura, kahit patay na ang isang tao ngunit nag-iwan ng legacy, siya ay mananatiling buhay sa isipan at puso ng kanyang mga naiwan tulad ni Dr. Jaochico na itinuturing na bayani ng mga Kabalen dahil sa kanyang hindi matatawarang pagmamahal sa serbisyo bunsod upang manatiling buhay sa alaala ng kanyang kapwa frontliners.

Hinimok ng pari ang mga empleyado na sundan ang magagandang ginawa niya sa kapwa.Nagsilbing paalala ang death anniversary ni Dr. Jaochico na maaaring malagay sa panganib ang buhay ng frontliners sa pagganap ng kanilang tungkulin.

Sa kasalukuyan, umabot sa 10,000 ang nabakunahan, ayon sa talaan ng Provincial Health Office ng lalawigan.

Ayon sa kanyang mga dating kasamahan, Pebrero 2020 pa lamang ay inihanda na ni Jaochico ang Provincial Health Office upang labanan ang CoVid-19 na labis nilang pinasasalamatan at pinuri.

Si Dr. Marcelo Jaochico ang unang frontliner ng Pampanga na nasawi sanhi ng coronavirus, at inihimlay ang kanyang labi ng pamilya sa Our Lady Of Guadalupe Parish, ng Diocese of Novaliches, sa Quezon City. (RAUL SUSCANO)

About Raul Suscano

Leave a Reply

Your email address will not be published. Required fields are marked *

*

Scroll To Top