Monday , May 10 2021
Breaking News
You are here: Home / News / Kaso vs aktor, 6 mayors, health workers sa Ombudsman iniutos ni Duterte
Kaso vs aktor, 6 mayors, health workers sa Ombudsman iniutos ni Duterte

Kaso vs aktor, 6 mayors, health workers sa Ombudsman iniutos ni Duterte

INUTUSAN ni Pangulong Rodrigo Duterte si Health Secretary Francisco Duque III na sampahan ng kaso sa Ombudsman ang anim na alkalde, isang aktor at ilang health workers dahil sa pagturok sa kanila ng CoVid-19 vaccine kahit wala sa priority list ng gobyerno.

Sa kanyang public address kagabi, tinukoy ng Pangulo sina Mayor Alfred Romualdez ng Tacloban City, Leyte; Mayor Dibu Tuan ng T’boli, South Cotabato; Mayor Sulpicio Villalobos ng Sto. Nino, South Cotabato; Mayor Noel Rosal ng Legazpi City, Albay; at Mayor Abraham Ibba ng Bataraza, Palawan, na dapat sampahan ng reklamo sa Ombudsman dahil sa pagsingit sa pila ng priority list.

Bagama’t hindi binanggit ng Pangulo ang pangalan ng anak ng artista na binakunahan ng CoVid-19 vaccine, napaulat kahapon ng umaga na siya’y si Mark Anthony Fernandez , anak nina Alma Moreno at Rudy Fernandez.

Binigyan ng direktiba ng Pangulo si Duque na kasuhan din sa Ombudsman si Parañaque City Mayor Edwin Olivarez at ang city health workers na nagturok ng bakuna sa actor.

Dahil sa pangyayari ay nangangamba ang Pangulo na maapektohan ang pagdating ng mga donasyong CoVid-19 vaccine dahil sa paglabag sa priority list ng naturang mga politiko, health workers, at ng aktor.

Napag-alaman, nag­labas na ang Department of Interior and Local Government (DILG) ng show cause order sa limang alkalde na nagpabakuna.

Batay sa priority list na itinakda ng pama­halaan, magsisimula ang national vaccination program sa frontline health workers, kasunod ang indigent senior citizens, iba pang senior citizens, at mga natirang indigent population, at uniformed personnel.

Ilang senador ang binatikos ang mabagal na vaccine rollout ng administrasyong Duterte.

(ROSE NOVENARIO)

About Rose Novenario

Leave a Reply

Your email address will not be published. Required fields are marked *

*

Scroll To Top