Wednesday , May 12 2021
Breaking News
You are here: Home / News / ARMC sa Marikina, 80% full capacity sa COVID-19 patients — Dr. Mateo
ARMC sa Marikina, 80% full capacity sa COVID-19 patients — Dr. Mateo

ARMC sa Marikina, 80% full capacity sa COVID-19 patients — Dr. Mateo

NASA 80 porsiyentong full capacity para sa mga pasyenteng positibo sa CoVid-19 ang Amang Rodriguez Medical Center, sa lungsod ng Marikina.

Ayon kay Dr. Imelda Mateo, ARMC Chief, nasa 76 ang admitted, 70 ang kompirmado, at anim ang suspected patient, habang walo pa ang naghihintay sa emergency room na maiakyat sa CoVid ward.

Ani Dr. Mateo, aminado siyang wala nang paglalagyan sa ward kaya karamihan ay nasa emergency room.

Dagdag ng medical chief, nag-activate na rin sila ng One Hospital Command Center para makatawag at makapagpasaklolo sa ibang pagamutan upang ilipat ang ibang pasyente.

Ngunit nakalulungkot umano, sa dalawa hanggang tatlong referrals sa malalapit na pribadong pagamutan ay puno na rin ng mga pasyenteng positibo sa CoVid-19.

Payo ng doktor sa mga pasyenteng may mild symptoms ng CoVid-19, mag-isolate sa bahay at bantayan ang progression ng mga sintomas.

“Ayaw namin makipagsiksikan pa sila sa emergency room kaya kung may minor na maramdaman sa tingin n’yo CoVid positive kayo o na confirm kayo, tawagan n’yo ang mga doktor n’yo, you go on hotline, ‘yung access online para ma-advise po kayo kung ano’ng tamang gawin. Importante kasi na makuha natin sa early stage para hindi po dumating sa punto na iospital pa kayo o maging kritikal,” pahayag ni Dr. Mateo.

(EDWIN MORENO)

 

About Ed Moreno

Leave a Reply

Your email address will not be published. Required fields are marked *

*

Scroll To Top