Sunday , May 9 2021
Breaking News
You are here: Home / Showbiz / Rochelle at Arthur 1 linggong ‘di nagpansinan
Rochelle at Arthur 1 linggong ‘di nagpansinan

Rochelle at Arthur 1 linggong ‘di nagpansinan

KINUMUSTA namin kay Rochelle Pangilinan kung paano sila nagko-cope up ng mister niyang si Arthur Solinap at ang two-year old daughter nilang si Shiloh Jayne ngayong panahon ng pandemya?

“Siguro sa pag-aalaga, pakikipag-bonding, at pakikipaglaro pa lang kay Shiloh ay nauubos na ang oras namin sa isang araw. Magkahati kami sa oras para may time makapag-workout ang bawat isa at pagdating ng hapon, may meryenda bonding kami sa garahe,” kuwento ni Rochelle.

Madalas ay nasa taping si Arthur ng Pepito Manaloto, paano ang arrangement nilang mag-asawa?

“Kung nasa trabaho siya dapat may update lagi sa bawat isa or video call.”

Sino ang mas seloso sa kanila ni Arthur?

“Siya! Pero pareho lang yata kaming seloso at selosa,” bawi ni Rochelle.

Ano na ang pinakamatinding pinag-awayan nila?

“Mga misunderstanding at hindi nagpapatalo sa isa’t isa. 

“Pride at ego siguro. Kaya may isang linggo kaming hindi nagpansinan,” pag-amin ng dancer/actress.

Sa Magpakailanman nitong Sabado ay napanood sa GMA ang kuwento ng isang lalaking may limang asawa sa Isang Mister, Lima Ang Misis episode. Nagsiganap sa nabanggit na epiode sina Rochelle, Jay Manalo, Ina Feleo, Wynwin Marquez, Barbara Miguel, Will Ashley, Kyle Ocampo, Ana Capri, at Stephanie Sol, mula sa direksiyon ni Laurice Guillen.

Kung siya ang nasa lugar ng isang babae na kinaliwa ng mister, ano ang gagawin ni Rochelle?  Pakikisamahan pa rin ba niya ang kanyang asawa?

“Mahirap yan,” umpisang bulalas ni Rochelle. ”Sa naalala ko sa kuwentong ito, parang hindi ko kakayaning pakisamahan pa ang asawa ko sa dami ng naging babae niya.”

Rated R
ni Rommel Gonzales

About Rommel Gonzales

Leave a Reply

Your email address will not be published. Required fields are marked *

*

Scroll To Top