Monday , May 10 2021
Breaking News
You are here: Home / Showbiz / Jeric Mr. Dreamboy ni Sheryl
Jeric Mr. Dreamboy ni Sheryl

Jeric Mr. Dreamboy ni Sheryl

WALANG karelasyon ngayon si Jeric Gonzales.

Ayon ito mismo sa Kapuso hunk sa segment na May Pa-presscon ng The Boobay and Tekla Show (TBATS) kamakailan.

“Single na single and ready to mingle,” ang bulalas ni Jeric sa tanong kung may girlfriend ba siya ngayon.

“Naniniwala kasi ako na love at first sight, eh. ‘Pag nakita mo siya, ‘yun na ‘yun, eh.

“Hindi ako naniniwala sa physical attributes.”

Pasabog din na sinabi ni Jeric na mas gusto niya na karelasyon ang isang babaeng mas may edad sa kanya.

“Ah, ako siguro, mas matan­da. Siguro mas may experience ‘yung babae, mas marami akong matututunan, ‘di ba?”

Kaya tinanong ng mga TBATS host na sina Boobay at Super Tekla si Jeric tungkol sa pagkaka-link ni Jeric kay Sheryl Cruz na co-star niya sa GMA afternoon drama series na Magkaagaw.

May relasyon nga ba sila ni Sheryl?

“Ah, kami ni Miss Sheryl Cruz? Alam niyo naman naging close kami sa ‘Magkaagaw.’

“So kung anuman ‘yung friendship namin ngayon, eh, sa amin na lang siguro ‘yun.

“Very ano kami, close kami. So, special ‘yun.”

Biniro ni Boobay ang binata kung siya na ba ang Mr. Dreamboy ni Sheryl?

Na pabiro namang sinagot ni Jeric na, ”Sa tingin ko, ako na.”

Ang kantang Mr. Dreamboy ay pinakasikat ni Sheryl noong late 80’s.

(ROMMEL GONZALES)

 

About Rommel Gonzales

Leave a Reply

Your email address will not be published. Required fields are marked *

*

Scroll To Top