Wednesday , May 12 2021
Breaking News
You are here: Home / News / HVI, arestado sa P.5M-shabu (Sa Quezon City)
HVI, arestado sa P.5M-shabu (Sa Quezon City)

HVI, arestado sa P.5M-shabu (Sa Quezon City)

DINAKIP ang isang lalaking itinuturing na high value individual (HVI) ng mga awtoridad  matapos makompiskahan ng shabu sa buy bust operation sa Brgy. Talipapa, Quezon City, nitong Sabado ng gabi.

Kinilala ni Quezon City Police District (QCPD) Director, P/BGen. Danilo Macerin ang suspek na si Marvin Sigua, 45, ng 8D, 2B, Don Segundo St., San Agustin Village, Brgy. Talipapa.

Sa ulat, dakong 9:40 pm nitong 20 Marso,  nang maaresto ng mga tauhan ng Station Drug Enforcement Units (SDEUs) ng Galas Police Station (PS 11) at Talipapa Police Station (PS 3) ang suspek sa isang joint buy bust operation sa kanyang tahanan.

Nauna rito, nakatang­gap ng tip ang PS-11 mula sa isang confidential informant hinggil sa ilegal na aktibidad ng suspek kaya nagkasa ng opera­syon.

Isang undercover cop ang umaktong poseur buyer at nang makabili ng P12,000 halaga ng shabu mula sa suspek ay agad inaresto.

Bukod sa buy bust money, nakompiska rin ang 75 gramo ng shabu na nagkakahalaga ng P510,000 at isang kulay itim na pouch.

Ang suspek ay nakapiit at sasampahan ng kasong paglabag sa Republic Act 9165 o The Comprehensive Dangerous Drugs Act of 2002.

(ALMAR DANGUILAN)

About Almar Danguilan

Leave a Reply

Your email address will not be published. Required fields are marked *

*

Scroll To Top