Saturday , May 8 2021
Breaking News
You are here: Home / News / 2 tirador ng ‘metal’ sa SJDM timbog
2 tirador ng ‘metal’ sa SJDM timbog

2 tirador ng ‘metal’ sa SJDM timbog

NALUTAS ng mga awtoridad ang laganap na nakawan ng mga asero (metal) sa bakuran ng mga farm sa lungsod ng San Jose del Monte, sa lalawigan ng Bulacan nang masakote ang dalawang kawatan nitong Lunes ng gabi, 15 Marso.

Sa ulat mula kay P/Maj. Julius Alvaro, acting chief of police ng San Jose del Monte City Police Station (CPS), kinilala ang mga nadakip na suspek na sina Mario Salazar at Arnel Villaber, kapwa residente sa Brgy. Poblacion 1, sa nabanggit na lungsod.

Nabatid na dakong 10:16 pm kamakalawa, nakarinig ng sigaw na humihingi ng tulong ang mga nagpapatrolyang kagawad ng Police Community Precint (PCP) 2 ng SJDM CPS sa Brgy. Poblacion 1.

Agad nagresponde ang police patrol team hanggang maaktohan nila ang dalawang suspek na dinadambong ang metal divider gamit sa paghahati ng mga fattener sa piggery farm.

Matapos masakote, narekober ng pulisya sa dalawang kawatan ang anim na pirasong metal divider na nagkakahalaga ng P4,800.

Sinasabing ang dala­wang suspek ang tirador sa laganap na nakawan ng mga metal sa lungsod.

(MICKA BAUTISTA)

About Micka Bautista

Leave a Reply

Your email address will not be published. Required fields are marked *

*

Scroll To Top