Friday , March 29 2024

Serye-Exclusive: Utos ni DA Sec. Dar vs Villamin “BRING HIM TO COURT!” (Para sa mga biktima ng DV Boer Farm Inc.)

 ni ROSE NOVENARIO

HINIMOK ni Agriculture Secretary William Dar ang libo-libong biktima ng multi-bilyon pisong grand investment scam ng DV Boer Farm Inc., na sampahan ng kaso ang may-ari nitong si Soliman Villamin, Jr., a.k.a. Dexter Villamin.

“They just have to bring him to court,” ani Dar nang tanungin ng media sa Laging Handa Public Briefing noong Biyernes kung ano ang maitutulong ng DA sa mga biktima ni Villamin lalo na’t inendoso ni dating Agriculture Undersecretary Ranibai Dilangalen ang DV Boer Farm Inc., bilang katuwang ng kagawaran noong 2018.

Dumistansya si Dar sa ginawa ni Dilangalen dahil hindi pa umano siya kalihim ng DA nang gawin iyon ng dating undersecretary.

Giit niya, dinatnan na niya ang naturang ‘problema’ nang maluklok bilang DA secretary noong 5 Agosto 2019 kapalit ni Emmanuel Piñol.

“Wala kaming kaug­na­yan diyan. Nadatnan ko na iyan na problema, so we disassociated ourselves with him,” paliwanag niya.

Hindi nagustohan ng ilang biktima ni Villamin ang sagot ni Dar sa kanilang kinasadlakang problema lalo na’t marami umano sa kanila ang nahikayat na maglagak ng puhunan sa DV Boer bunsod ng tambalan ng kompanya ni Villamin sa Agriculture department.

“May problema na raw pero hinayaan niyang i-promote ng ahensiya niya, saan sila nanghiram ng kapal ng mukha or alam ba nila ‘yung ibig sabihin ng accountability or responsibility >Ø—Ý? To be Frank ‘yun ang nag-trigger sa ‘kin para mag-invest bcoz of agency’s in gov’t like nat’l dairy personal ko pong nakausap ang opisyal nila doon way back 2017 pinupuri nila ito sa harap ko, hayop sana maubos kayo atakehin isa-isa ma-paralize habang buhay sa ginawa n’yo sa amin,” galit na pahayag ng isang biktima ng DV Boer.

“Mr. Aljo Bendijo, since wala naman po kayong nakuha matinong sagot kay Mr. Dar at mukhang walang alam na makatutulong sa mga nabiktima, puwede n’yo po bang tanungin si Dex Villamin nang deiretso, kung saan-saan napunta ang aming pera (correction po pala multi-bilyon po ang nasa diaryo hinde lang po milyon)… maraming salamat po,” anang isa pang biktima ni Villamin patungkol kay Bendijo na nagbasa ng tanong ng media kay Dar sa LH public briefing sa PTV-4.

Matatandaan si Bendijo ang katambal ni Villamin sa teleradyo ng state-run Radyo Pilipinas na pinamagatang Magsasaka sa Radyo.

“Mr. Bendijo alam kong malapit kayo kay Mr Dexter Villamin dahil ilang beses n’yo siyang na-guest dahil sa ‘paiwi’ sana this time muli n’yo siyang imbitahan at ipaliwanag kung nasaan ang pera ng mga taong niloko n’ya,” panawagan kay Bendijo ng isa pang nagoyong investor ni Villamin.

SA SARILING paskil sa social media, makikita si Dianne Querrer (mahaba ang buhok) katabi si Dexter Villamin, si Elena Empaz, ang babaeng nakasuot ng bestidang itim.

Ang PTV host  at newscaster na si Dianne Querrer ay naging co-host din ni Villamin sa isang agri-based program sa government-run television station at ilang beses din nagsilbing emcee sa mga pagtitipon ng DV Boer Farm.

Hindi pa nakukuha ng HATAW ang panig ng PTV personalities sa naging kaugnayan nila kay Villamin.

Habang ang PTV production coordinator na si Elena Empaz na umano’y naging kontak ni Villamin sa state-run television network ay hihingan din ng panig ng Hataw.

Si Villamin at ilan sa kanyang mga kapamilya ay sinampahan ng iba’t ibang kaso sa korte at mga reklamo sa National Bureau of Investigation (NBI).

Samantala, ang sumbong kay Pangulong Rodrigo Duterte laban kay Villamin ay inendoso na sa Department of Justice (DOJ) ng Office of the President.

(May Karugtong)

 

About Rose Novenario

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *