Friday , March 29 2024
shabu drug arrest

4 tulak arestado sa buy bust sa Vale

APAT katao na hinihinalang tulak ng ilegal na droga ang dinakip kabilang ang isang ginang sa isinagawang magkahiwalay na buy bust operation ng pulisya sa Valenzuela City.

Ayon kay P/Cpl. Christopher Quiao, dakong 10:10 am nang unang magsagawa ng buy bust operation ang mga operatiba ng Station Drug Enforcement Unit (SDEU) sa pangunguna P/Lt. Joel Madregalejo sa ilalim ng pangangasiwa ni P/Col. Fernando Ortega sa Dulong Tangke, Brgy. Malinta na nagresulta sa pagkakaaresto kay David Flores, 21 anyos.

Nakompiska kay Flores ang nasa tatlong gramo ng shabu na tinatayang nasa P20,400 ang halaga, P500 buy bust money, at P100 bill.

Dakong 9:00 pm nang maaresto rin ng kabilang team ng SDEU si Julleta Francisco, 51 anyos, sa buy -bust operation sa kanyang bahay sa Que Grande St. Brgy. Ugong.

Ayon sa ulat ni SDEU P/SMSgt. Fortunato Candido, narekober kay Francisco ang nasa tatlong gramo ng hinihinalang shabu na tinatayang P20,400 ang halaga, P500 buy bust money, P150 cash at cellphone.

Nauna rito, dakong 5:30 pm nang dambahin ng mga operatiba ng SDEU si Elesio Francisco, 35 anyos, sa buy bust operation sa kanyang bahay sa Bakawan, Dulong Tangke, Brgy. Malinta, at nakuha sa kanya ang nasa anim gramo ng hinihinalang shabu na tinatayang nasa P40,800 ang halaga, P500 buy bust money, P500 cash, cellphone, at coin purse.

Sa Brgy. Gen. Te de Leon, nasakote rin ng team ng SDEU si Juan Carlos Custuna, 27 anyos, matapos bentahan ng P300 halaga ng shabu si P/Cpl. Dario Dehitta na nagpanggap na buyer sa buy bust operation dakong 12:45 am.

Nasamsam kay Custuna ang nasa tatlong gramo ng hinihinalang shabu na tinatayang nasa P20,400 ang halaga, tatlong gramo ng hinihinalang pinatuyong dahon ng marijuana (with fruiting tops) na nasa P360 ang halaga, buy bust money, P280 cash, cellphone at lacoste pouch.

(ROMMEL SALES)

About Rommel Sales

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …

Leave a Reply

Your email address will not be published. Required fields are marked *