HATAW! D'yaryo ng Bayan hatawtabloid.com
KASAMA nang nakakulong ng 19-anyos misis ang kanyang mister matapos pasalubungan ng pagkaing hinaluan ng shabu sa La Loma Police Station 1 sa Quezon City, nitong Linggo ng hapon.
Kinilala ni Quezon City Police District (QCPD) Director, P/BGen. Danilo Macerin ang nadakip na si Justine Kate Guinto, 19, residente sa C. Palanca St., San Miguel, Quiapo, Maynila.
Sa ulat, dakong 4:40 pm, 7 Marso, nang mabuking ng La Loma Police Station 1 si Guinto nang inspeksiyonin ng duty jailer ang mga dalang food packs para sa mister na si Sohail Arumpac, nakapiit dahil sa kasong ilegal na droga.
“Ang pagkakaaresto ni Guinto ay nagpapakita lamang ng pagiging alerto ng ating mga (ka)pulis(an) sa loob man o sa labas ng ating estasyon. Ang kampanya laban sa ilegal na droga ay mas lalo pa nating paigtingin at ating ipatutupad sapagkat nais nating maging maayos, mapayapa at ligtas ang ating siyudad,” ayon sa QCPD chief. (ALMAR DANGUILAN)
