Thursday , March 28 2024

Kitkat sa Happy Time — Walang nakarating na pinababalik ako

ANG daming nagpapadala ng mensahe kay Kitkat Favia para hingan siya ng reaksiyon sa naulat na puwede silang bumalik ni Janno Gibbs sa Happy Time sa kondisyong magbati sila ng TV host/actor.

Walang sinasagot si Kitkat dahil nagpa-panic attack siya dahil sa nangyari sa sasakyan nilang mag-asawa na binasag at nakuha ang mahahalagang gamit at malaking halaga. Limang minuto lang silang nag-park sa tapat ng banko at pagbalik ay basag na ang salamin ng sasakyan.

Bukod dito, may trauma pa siya sa nangyari sa kanila ni Janno kaya sa kasalukuyan ay nagpapa-therapy ang TV host/comedienne dahil sa trauma.

Nagpadala kami ng mensahe sa komedyana tungkol sa sinasabing bumalik siya sa Happy Time.

“Tita Reggee, wala pong nakarating sa akin na pina­babalik ako sa ‘Happy Time.’ At saka wala naman po akong manager, booking agent po si Mama Betchay kaso ‘pag tatawag siya sinusum­pong ako ng panic attack kaya hindi ko siya nakakausap ng maayos.

“’Yung sinasabing makiki­pagbati sa akin si Janno, pinag-ayos na po kami noong nagharap kami sa management. So, alam ko okay na ‘yun.

“Tapos nag-post nga po ako na nagpatawad na ako tungkol sa mga nangyari, pero sumagot po si Janno, nag-post din siya at galit na galit,” pahayag ni Kitkat sa amin.

‘Yung ini-repost ni Janno na post ni Kitkat nllng madaling araw na umuwi siyang galit ay naayos na iyon nllng araw na nagpatawad siya at inayos din ito ng NET 25 management.

”Ipinost ko po iyon noong gabing minura niya ako, siyempre galit ako kaya naglabas ako ng sama ng loob ko, pero binura ko rin naman dahil sinabihan ako ng management. Tapos pinag-ayos na nga kami.

“Roon po sa sinabi kong nagpatawad na ako, tapos na ‘yun, iyon na ang huli kong mensahe para sa isyu, hindi na ako magsasalita pa.

“Tungkol naman sa puwedeng bumalik, sa totoo lang po wala namang nakarating sa akin ang alam ko, tinext ako at sinabing tanggal na ako sa ‘Happy Time.’  Pati nga po sa ‘Kesayasaya’ wala na rin ako, eh, ano ba kinalaman niyong show na ‘yun sa ‘Happy Time’?” kuwento sa amin.

Samantala, pagkatapos ng therapy ni Kitkat ay pumupunta ito sa restaurant nila para tulungan ang asawa sa pagma-manage nito.

FACT SHEET
ni Reggee Bonoan

 

About Reggee Bonoan

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *