Tuesday , May 18 2021
Breaking News
You are here: Home / News / Terorismo ng estado? 9 patay, 6 inaresto, 9 nawawala sa Calabarzon (Duterte, Parlade pinananagot)

Terorismo ng estado? 9 patay, 6 inaresto, 9 nawawala sa Calabarzon (Duterte, Parlade pinananagot)

ni ROSE NOVENARIO

DAPAT managot sina Pangulong Rodrigo Duterte at Southern Luzon Command chief at National T4ask Force to End Local Communist Armed Conflict (NTF-ELCAC) spokesman Gen. Antonio Parlade, Jr., sa pagpatay sa siyam na aktibista at ilegal na pag-aresto sa anim pang iba sa inilunsad na operasyon ng pulisya sa Calabarzon (Cavite, Laguna, Batangas, Rizal, at Quezon)na tinaguriang “Bloodbath Sunday.”

Pahayag ito ng Bagong Alyansang Makabayan (Bayan) kahapon sa anila’y walang habas na paggamit ng search warrant at pagtatanim ng mga ebidensiya na isinagawa upang bigyang katuwiran ang madugong police operations.

“We hold Pres. Duterte and Gen. Parlade directly accountable for the killing and illegal arrest of these unarmed activists, as well as the brazen weaponization of search warrants and planting of evidence that were done to justify such actions,” anang Bayan.

Kabilang sa mga napatay sa police operations ay si Emmanuel “Manny” Asuncion, secretary general ng BAYAN sa Cavite, kilalang mass organizer sa Southern Tagalog.

Kinilala ng Labor rights group PAMANTIK-KMU ang mag-asawang Chai Lemita Evangelista at Ariel Evangelista na napaslang sa Nasugbu, Batangas, mga miyembro ng Ugnayan ng Mamamayan Laban sa Pagwawasak ng Kalikasan at Kalupaan (UMALPAS KA).

Hanggang 2:50 pm ay inireport ng Calabarzon PNP na tatlo ang nadakip sa Laguna, 3 sa Rizal, ang mga napatay ay isa sa Cavite, 2 sa Batangas, 6 sa Rizal habang at-large ang isa sa Batangas at walo sa Rizal.

Giit ng Bayan, napabilang ang madudugong insidente sa napakahabang listahan ng mga kalupitan na kagagawan ni Duterte at ng kanyang pasistang rehimen.

Hiniling ng grupo na palayain ang lahat ng dinakip at magsagawa ng independent, credible investigation ang Kongreso at Commission on Human Rights sa inilunsad na magkakasunod na madugong pagsalakay ng mga pulis sa Calabarzon.

Nanawagan ang Bayan sa Korte Suprema na gumawa ng kagyat na mga hakbang upang maiwasan ang ibayong paggamit ng mga search warrant at iba pang judicial instruments para patahimikin ang mga aktibista, political dissenters, at government critics.

“We call on our people to be steadfast in these trying times and to not be intimidated. Let us persevere in the struggle to end the Duterte fascist regime,” anang Bayan.

 

 

 

About Rose Novenario

Leave a Reply

Your email address will not be published. Required fields are marked *

*

Scroll To Top