Friday , March 29 2024
shabu drug arrest

P7-M ‘bato’ natiklo sa delivery boy sa Cebu

NASAMSAM ang isang kilo ng hinihinalang shabu na tinatayang nagkaka­halaga ng P7,000,000 mula sa isang 36-anyos boy sa Brgy. Ermita, sa lungsod ng Cebu, nitong Sabado, 6 Marso.

Kinilala ang suspek na si Carlo Magno Tude, nadakip sa ikinasang buy bust operation ng City Drug Enforcement Unit (CDEU) ng Cebu City Police Office (CCPO) pasado hatinggabi kama­lawa.

Nabatid ng pulisya na nagtatrabaho si Tude bilang isang delivery boy ng isang courier company at mayroon umanong posibilidad na ginagamit ang kanyang trabaho upang mapagtakpan ang mga ilegal na gawaing may kinalaman sa droga.

Dagdag ng mga awtoridad, inamin ni Tude na galing ang supply ng droga mula sa isang Allen Ramas Badajos, na kasalukuyang nakapiit sa Cebu City Jail dahil sa kasong may kaugnayan sa droga na nadakip sa isang buy bust operation noong 2016.

Ani Tude, may naghahatid sa kanyang bahay ng droga at sa kanya umano ito ipahahatid sa kliyente saka siya babayaran ng P5,000 kada delivery.

Ayon kay P/Maj. Jonathan Taneo, hepe ng CDEU, kayang magbenta ni Tude ng P40-milyong halaga ng shabu kada linggo.

Sa kanilang transak­siyon, pumayag ang suspek na bentahan ang poseur buyer ng 50 gramo ng shabu na nagkaka­halaga ng P340,000.

Dagdag ni Taneo, isinumbong sa kanila ang mga ilegal na gawain ni Tude sa pamamagitan ng Facebook Messenger at tumagal ng tatlong linggo ang surveillance bago naikasa ang buy bust.

Ayon kay P/Col. Josefino Ligan, hepe ng Cebu City Police Office (CCPO), pinakamalaking halaga ng droga ngayong taon ang nasamsam nila mula kay Tude.

About hataw tabloid

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *