Thursday , May 13 2021
Breaking News
You are here: Home / News / Ex ng momshie ni Mariel arestado sa boga at damo
Ex ng momshie ni Mariel arestado sa boga at damo

Ex ng momshie ni Mariel arestado sa boga at damo

IPINAHULI sa awtoridad ang dating kinakasama ng ina ng sikat na host/actress na si Mariel Rodriguez sa BF Homes, sa Parañaque City, nitong Linggo.

Sa inisyal na ulat ng BF Homes Police Sub-Station 5, ipinahuli si Baldwin Brent Cruto Co, ng Ayala Alabang, ng kaniyang dating kinakasama na si April Sazon Ihata,  matapos manggulo sa loob ng kaniyang bahay sa El Grande St., BF Homes dakong 10:00 am.

Napag-alamang humingi ng tulong sa mga barangay tanod ng BF Homes si Ihata dahil sa pagwawala ng suspek sa loob ng kaniyang bahay.

Makalipas ang ilang oras ng pag-uusap ng dalawa, nakombinsi umanong umalis ang suspek ngunit nang kukunin na ang kaniyang bag, napansin na may nakabukol na hugis baril.

Imbes iabot, ininspeksiyon muna ng mga nagrespondeng pulis ang bag ng suspek na nakitaan ng isang kalibre .45 baril na may magazine, may limang bala, at isang plastic sachet na naglalaman ng tuyong dahon ng marijuana.

Isinuko sa Station Drug Enforcement Unit (SDEU) ang suspek para sa ihahaing kaso na paglabag sa Republic Act 10591 (illegal possession of firearm and ammunition) at RA 9165 (Comprehensive Dangerous Drugs Act of 2002.

Inaalam ang impormasyon kung si Co ang may nakabinbin na kasong carnapping at estafa sa warrant section.

(JAJA GARCIA)

About Jaja Garcia

Leave a Reply

Your email address will not be published. Required fields are marked *

*

Scroll To Top