HATAW! D'yaryo ng Bayan hatawtabloid.com
HINDI senyal ng paglipat sa TV5 ang litrato ni Sarah Geronimo sa Instagram ng Kapatid network kamakailan na ine-endorse ang forthcoming show na POPinoy.
Bayad na endorsement lang po ‘yon. Bahagi ng kontrata ni Sarah bilang endorser ng Talk & Text na major sponsor ng bagong show.
Ang mismong big boss ng Viva Entertainment Group of Companies na si Vic Del Rosario ang nagpahayag na walang tangka si Sarah na lumipat sa TV5 at wala rin namang attempt ang Kapatid Network na bilhin ang kontrata ni Sarah sa Viva.
Kung mapapanood man ng madla si Sarah sa TV5, ‘yon ay sa ASAP Natin ‘To ng ABS-CBN na ipinalalabas din sa TV5.
Unfortunately naman, mula noong nagsimulang ipalabas din sa TV5 ang ASAP, bukod pa sa A2Z Channel 11, misteryosong ‘di na uma-apir sa si Sarah.
Kamakailan ini-announce ng Viva na abala si Sarah sa paggawa ng bagong album at paghahanda sa isang virtual concert ngayong March. Malamang ay lumabas na uli sa ASAP si Sarah para i-promote ang concert n’ya.
KITANG-KITA KO
ni Danny Vibas
