Kid Yambao sumabak na sa BL series

TULOY-TULOY y ang paggawa ng BL series ha. Usong-uso talaga ito ngayon. At naisalin na rin ito sa pelikula na ang huli nga ay ang Hello Strangers The Movie, na pinagbibidahan nina JC Alcantara at Toni Labrusca.

Hindi naman natin masisisi ang mga producer sa paggawa ng ganitong klase ng pelikula o serye dahil kumikita naman sila.

Si Kid Yambao na member ng all male group na Hashtags ay pinasok na rin ang paggawa ng BL series katambal si Axel Torrez via Diving Into Love.

So, ibig sabhin handa na si Kid na makipaghalikan kay Axel?

Napanood na namin ang trailer nito at may chemistry ang dalawa huh! Ang cute nilang tingnan habang naghaharutan at naglalambingan sa tabing dagat.

Sana lang ay maganda ang BL series nila, hindi basura ang dating gaya ng ibang BL series na napanood namin.

Sa tingin ko naman ay maganda ito. Kung hindi kasi ay hindi ito tatanggapin ni Ogie Diaz, manager ni Kid. At sa paggawa ng BL series ni Kid, tiyak mas maraming member ng third sex ang magpapantasya sa kanya. Kahit sa pelikula lang ang pagpatol nito sa bakla, iisipin nila na baka game rin ito sa totoong buhay.

MA at PA
ni Rommel Placente