Tuesday , May 18 2021
Breaking News
You are here: Home / News / Nego ni Duterte sa Sinopharm rep, itinatwa ng Palasyo
Nego ni Duterte sa Sinopharm rep, itinatwa ng Palasyo

Nego ni Duterte sa Sinopharm rep, itinatwa ng Palasyo

WALANG ginawang direktang pakikipag­negosasyon si Pangulong Rodrigo Duterte sa Sinopharm, ayon sa Palasyo.

“He (Duterte) did not deal directly with Sinopharm,” sabi ni Presidential Spokesman Harry Roque sa virtual Palace press briefing kahapon.

Ang pahayag ni Roque ay taliwas sa rebelasyon ni special envoy to China Ramon Tulfo na saksi siya nang kausapin ng Pangulo sa kanyang cell phone ang kinatawan ng Sinopharm.

Sa kanyng column sa Manila Times ay inilahad ni Tulfo na pinahiram niya ang kanyang cellhone kay Pangulong Duterte para kausapin ang Sinopharm representative sa bansa.

Isiniwalat niya na hiniling ng Pangulo na bigyan siya ng samples ng CoVid-19 vaccine para sa sarili at sa kanyang pamilya.

Inamin ni Tulfo na siya at ilang hindi tinukoy na mga opisyal ng gobyerno ay naturukan ng Sinopharm CoVid-19 vaccine noong Oktubre 2020.

Ikinuwento niya umano sa Pangulo na wala siyang naram­damang masamang side effect sa bakuna.

Tikom ang bibig ni Roque sa mga rebe­lasyon ni Tulfo.

“Wala po akong reaksiyon diyan dahil sa panahon ng pan­demiya, naiintindihan ko po na maraming gusto tala­gang magka­protek­siyon. Pero ang sinasabi natin sa lahat, hintayin po nating dumaan sa proseso for our own interest” ani Roque.

(ROSE NOVENARIO)

About Rose Novenario

Leave a Reply

Your email address will not be published. Required fields are marked *

*

Scroll To Top