Tuesday , April 13 2021
Breaking News
You are here: Home / News / Rapist huli sa Malabon
Rapist huli sa Malabon

Rapist huli sa Malabon

“SA TOTOO po niyan, talaga pong nagmama­halan kami  at wala pong nangyaring rape.”

Ito ang sinabi ng ika-9 sa ten most wanted person (TMWP) makaraang maaresto kamakalawa ng umaga sa Malabon City dahil sa kinakaharap na kaso sa kanilang probin­siya.

Kinilalang si Geraldo  Magbanwa, Jr., 21 anyos, factory worker, at residente sa Block 13 Lot 6 Paros St., ng nasabing lungsod at tubong Barangay Ubo, Balod Masbate City.

Batay sa ulat ni P/Capt. Ferdinand Espiritu, dakong 10:00 am nang madakip ang suspek sa tinitirahan nitong bahay sa Malabon.

Bitbit ng mga tauhan ang Warrant and Subpoena Section (WSS) ang mandamiento de aresto na ipinalabas ni judge Ave A. Zurbito-Alba, Regional Trial Court Branch 48, laban sa suspek.

Sa record ng korte, apat na ulit ginahasa ng suspek ang biktimang 16-anyos na itinago sa pangalang May (hindi tunay na pangalan) kaya nahaharap sa apat na bilang ng kasong rape sa Balod, Masbate City.

Maluha-luhang sinabi ng suspek nang makapanayam, walang rape na nangyari dahil magsiyota sila ng noo’y 16-anyos biktima pero sa simula pa lamang umano ay tutol sa kanilang relasyon ang mga magulang ng dalagita.

(ROMMEL SALES)

About Rommel Sales

Leave a Reply

Your email address will not be published. Required fields are marked *

*

Scroll To Top