Friday , May 14 2021
Breaking News
You are here: Home / News / Kelot timbog sa granada at boga (Dumayo sa Taguig)
Kelot timbog sa granada at boga (Dumayo sa Taguig)

Kelot timbog sa granada at boga (Dumayo sa Taguig)

HINDI akalain ng 29-anyos lalaki na dumayo sa Taguig City na mabubukong may dala siyang granada at baril nang sitahin dahil walang suot na facemask habang nakatayo sa tabi ng scooter kamakalawa.

Walang nagawa ang suspek nang hulihin ng mga tauhan ng Station Intelligence Section ng Taguig City Police Station, na kinilalang si Rex Pereda, ng St. Francis St., Oranbo Pasig City at may ibang address sa Barangay Sta. Ana, Lupang Arienda, Taytay Rizal.

Kinapkapan sa baywang si Pereda kaya nabisto ang Magnum 22 revolver at belt bag na may lamang granada.

Batay sa ulat, dakong 12:20 pm nitong Linggo nang sitahin ng mga tauhan ng Intelligence Section sa isinagawang anti-criminality operation habang nakatayo sa tabi ng SYM motorcycle na may plakang BA 97500 malapit sa Shane Store, sa Capistrano St., Brgy. Hagonoy, Taguig City.

Malayo pa ang mga awtoiridad nang mapansin na walang suot na facemask ang suspek at nang lalapitan ay napuna ang nakabukol sa baywang na sa huli ay nadiskubreng baril.

Nahaharap ang suspek sa mga kasong paglabag sa City Ordinance #12 series 2020 sa hindi pagsusuot ng face mask; Republic Act 10591 (Illegal Possession of Firearm and Ammunition) at RA 9516 (Illegal Possession of Explosives). (JAJA GARCIA)

About Jaja Garcia

Leave a Reply

Your email address will not be published. Required fields are marked *

*

Scroll To Top