Friday , March 29 2024

Gardo talo na sa kasikatan ni misis

HINDI nagbabago ang desisyon ni Gardo na hindi siya tatakbo sa anumang puwesto sa politika kahit may mga humikayat sa kanya.

“Hindi ako talaga … parang masaya na ako na, like roon sa bike group namin kahit nag-aambag-ambagan lang, may natutulungan kayo, kaysa ‘yung parang, kumbaga maraming mga explanation.”

Naka-collaborate na ni Gardo sina Kathryn Bernardo at Daniel Padilla sa Tiktok, mayroon pa ba siyang loveteam na nais makatrabaho?

“’Pag ‘yung sa akin kasi, ano eh, kumbaga kung sino lang ‘yung available, o kung sino lang ‘yung may gusto, kumbaga hindi naman ako nangha-hunting,” at tumawa si Gardo.

“Minsan kahit mangingisda, magsasaka, waiter…”

Nagulat naman kami sa rebelasyon ni Gardo na wala siyang nakukuhang pera sa kabila ng mga sikat at viral Tiktok videos nila ng misis niya, kumbaga, hindi pala monetized ang Tiktok niya.

“Wala, wala. Maano lang siya, kasi like, sa dami ng mga naka-monitor, maganda siyang pang-campaign, kaya siya pinapasok ng politiko.

“Pero hindi siya namo-monetize.”

Akala rin niya dati ay may malaking perang nakukuha sa Tiktok lalo na kapag maraming views at nagba-viral ang mga video.

“Kapag Kumu yata, dahil like ‘yung sa mga singer, iyon yata mayroon, kamukha siya niyong Youtube. 

“Ang problema naman doon sa Youtube ko dahil halos maraming Tiktok, bayad ng bayad sa copyright,” at muling natawa si Gardo, ”ayun, ayun ang problema.”

Ang isa pang benepisyo na nakukuha ni Gardo mula sa Tiktok ay,

“Sumikat ‘yung asawa ko. Sabi ko nga baka puwede na akong mag-retire,” at muling humalakhak si Gardo. ”Kasi ‘pag minsan lalabas, parehas kaming naka-mask, siya ‘yung mas unang nakikilala.

“Sabi ko, ‘Mas kilala ka na kesa sa akin!’

“Puwede na akong sa bahay na lang, mag-alaga ng bata.”

Pero mukhang matagal pa bago magretiro si Gardo, mapapanood nga siya sa pelikulang Ayuda Babes kasama sina Ate Gay, Petite Brockovich, Brenda Mage, Negi, Juliana Parizcova Segovia, at Iya Mina, at sina Joey Paras at Zeus Collins.

Introducing naman sina Bidaman finalist Dan Delgado, ang tinderang masungit sa Youtube na si Bernie Batin at ang Bubble Gum Pop Princess Christi Fider.

Idinirehe ito ni Joven Tanat may special participation sa pelikula sina Marlo Morte at Marc Logan. Mula sa Saranggola Media Productions, ipapalabas ito sa March 5 via streaming sa iWantTFC at KTX.ph.

Rated R
ni Rommel Gonzales

About Rommel Gonzales

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *