Friday , June 18 2021
Breaking News
You are here: Home / News / 7 timbog sa boga at pot session sa Pasig City
7 timbog sa boga at pot session sa Pasig City

7 timbog sa boga at pot session sa Pasig City

ARESTADO ang pito kataong huli sa aktong abala sa pot session matapos inguso ng kanilang kasamahan na hinabol ng mga awtoridad dahil sa baril na nakasukbit sa baywang at tumakbo papasok ng bahay, nitong Linggo ng madaling araw, 21 Pebrero, sa lungsod  Pasig.

Kinilala ang mga nadakip na sina Ronel Collo, alyas Kalbo, 23 anyos; Arnel Octa, 24 anyos; Orlie Arellano, 21 anyos; Trixie Elenzano, 24 anyos; Mark Bryan Daggao, 21 anyos; Efren Merida, 24 anyos; at James Anthony Cellona, alyas Tintin, 33 anyos; pawang mga residente sa San Sebastien HOA, Brgy. Pinagbuhatan, sa naturang lungsod.

Nabatid na dakong 3:30 am kamakalawa, naaktohan ng mga awtoridad na sumisinghot ng hinihinalang shabu ang pitong suspek sa bahay ni alyas Tintin sa Ison St., sa nabanggit na lugar.

Nakompiska mula sa mga suspek ang shabu paraphernalia, ilang transparent plastic sachet ng shabu, apat na aluminum foil na may kasamang shabu residue, dalawang glass tube pipe, dalawang lighter, isang kalibre .38 rebolber, at tatlong bala.

Nauna rito, nakatanggap ng tawag ang mga kagawad ng Pasig City Police Sub-Station 5 na may isang lalaking gumagala sa lugar at armado ng baril.

Agad nagresponde ang pulisya at nang makita ni alyas Kalbo na armado ng baril ang mga awtoridad ay nanakbo papasok sa bahay kung saan nadakip ang mga kasamahan na sumisinghot ng shabu.

Nahaharap sa kasong paglabag sa RA 10591 at Section 1, 13 at 14 ng Article II ng RA 9165 ang mga suspek.

(EDWIN MORENO)

About Ed Moreno

Leave a Reply

Your email address will not be published. Required fields are marked *

*

Scroll To Top