Sunday , May 9 2021
Breaking News
You are here: Home / News / 1,000 manok ninakaw sa poultry farm sa Pangasinan
1,000 manok ninakaw sa poultry farm sa Pangasinan

1,000 manok ninakaw sa poultry farm sa Pangasinan

HINDI bababa sa 1,000 manok na tinatayang nagkakahalaga ng P500,000 ang ninakaw mula sa poultry farm sa Brgy. La Paz, sa bayan ng Villasis, lalawigan ng Pangasinan, nitong Linggo, 21 Pebrero.

Itinuturing na ‘persons of interest’ ang limang dating empleyado ng manukan sa kaso ng pagnanakaw.

Ayon kay Pangasinan Police Provincial Office information officer P/Maj. Arturo Melchor II, ipinaalam ng manukan sa kanilang himpilan na halos 1,000 buhay na manok ang nawawala at nakita na laman nilang bukas ang gate ng isa sa mga kulungan ng mga manok.

Ani Melchor, nakita din na ang mga trabahador ng manukan ang nagkalat na balahibo ng manok sa likuran ng kulungan na pinaniniwalaang dinaanan ng mga suspek palabas sa poultry farm.

Patuloy na kumukuha ng salaysay ang mga imbestigador mula sa mga saksi at titingnan din ang mga kuha ng CCTV sa lugar upang matukoy ang pagkakakilanlan ng mga suspek.

About hataw tabloid

Leave a Reply

Your email address will not be published. Required fields are marked *

*

Scroll To Top