Friday , May 14 2021
Breaking News
You are here: Home / News / 7 wanted persons, 3 ‘sugarol’ kalaboso
7 wanted persons, 3 ‘sugarol’ kalaboso

7 wanted persons, 3 ‘sugarol’ kalaboso

ARESTADO ang pito kataong pinaghahanap ng batas at tatlong sugarol sa magkakahiwalay na manhunt at anti-illegal gambling operations ng pulisya sa Bulacan hanggang kahapon, 21 Pebrero.

Batay sa ulat mula kay P/Col. Lawrence Cajipe, provincial director ng Bulacan PPO, nadakip ang pitong wanted persons sa manhunt operations na inilatag ng tracker teams ng municipal at city police stations ng Hagonoy, Meycauayan, Plaridel, San Miguel, at San Jose Del Monte kasabay ang 301st MC RMFB3, at CIDG Southern Police District, NCR.

Kinilala ang mga naarestong suspek na sina Sabino Timkang, Jr., residente sa Brgy. Perez, lungsod ng Meycauayan, may kasong Rape; Myra Diamante, residente sa Brgy. Sipat, bayan ng Plaridel, para sa kasong Estafa; John Reagan Banaag, residente sa Brgy. San Agustin, bayan ng Hagonoy, may kasong Theft; Noelito De Ocampo, residente sa Brgy. Kaypian, lungsod ng San Jose del Monte; Janis Marquez, residente sa Brgy. Caypombo, bayan ng Sta. Maria, sa paglabag sa BP 22 (Anti-Bouncing Check Law); Randy Evangelista, residente sa Brgy. Pambuan, bayan ng Gapan, lalawigan ng Nueva Ecija, sa paglabag sa RA 9165 (Dangerous Drug Act); at Jocelyn Madera, residente sa North Olympus, lungsod ng Quezon, sa kasong Illegal Recruitment (Large Scale).

Nasa kustodiya na ang mga akusado ng kani-kanilang unit/police station para sa mga kaukulang disposisyon.

Samantala, arestado ang tatlong sugarol sa inilatag na anti-illegal gambling operation ng mga tauhan ng 1st Provincial Mobile Force Company at Bocaue MPS, na kinilalang sina Enrico Valentin at Perlita Valentin, kapwa residente sa Brgy. Bunlo, bayan ng Bocaue; at Roberto Dela Cruz, residente sa Brgy. Biñang, sa naturang bayan.

Naaktohan ang mga suspek na nagpapataya ng bookies at nakopiska sa kanila ang dalawang bundle ng booklets, pocket notebook, 10 ballpen, stapler, calculator, cellphone, at cash money na halagang P7,260.

(MICKA BAUTISTA)

About Micka Bautista

Leave a Reply

Your email address will not be published. Required fields are marked *

*

Scroll To Top