Friday , May 7 2021
Breaking News
You are here: Home / Showbiz / Tawag ng Tanghalan contender naiyak nang makita si Vice
Tawag ng Tanghalan contender naiyak nang makita si Vice

Tawag ng Tanghalan contender naiyak nang makita si Vice

NALUHA ang It’s Showtime host na si Vice Ganda nang makita muli ang factory worker na si Herbie Pultam na una niyang nakilala sa I Can See Your Voice.

Si Pultam ang ama ng tatlo sa mga scholar ni Vice. Sumali ito sa Tawag ng Tanghalan para personal na pasalamatan si Vice sa pagsuporta sa pagpapa-aral ng kanyang mga anak.

“Bukod po sa gusto makasali rito at manalo, pinaka-number one po talagang sadya rito ay personal na makapagpasalamat sa inyo,” naluluhang nasabi ni Pultam pagkatapos n’yang umawit.

Ayon mismo kay Vice na hindi niya kinikilala ang kanyang mga iskolar para ‘di siya magkaroon ng emotional attachment. Gayunman, hind rin naiwasan ni Vice ang maluha sa tuwa lalo na nang malamang matataas pa rin ang grades ng mga anak ni Pultam.

Makalipas ang tatlong taon mula nang pagkikita nila sa I Can See Your Voice na nasabing gagawin niyang scholar ang mga anak ni Pultam na noo’y contestant din, nasa 3rd year college, 1st year college, at grade 7 na ang mga natutulungan ng komedyante.

Hindi man nakaabante sa Tawag ng Tanghalan, naisakatuparan naman ng contestant ang isa pa niyang pakay sa programa.

Kapuri-puri si Vice Ganda sa pamimigay ng scholarships sa mga nagdarahop. Sana ay marami pang napakayayamang showbiz idols ang tularan siya.

KITANG-KITA KO
ni Danny Vibas

 

About Danny Vibas

Leave a Reply

Your email address will not be published. Required fields are marked *

*

Scroll To Top