Thursday , May 6 2021
Breaking News
You are here: Home / Showbiz / Kit Thompson ininsulto sina Janice at Agot
Kit Thompson ininsulto sina Janice at Agot

Kit Thompson ininsulto sina Janice at Agot

PAREHO palang walang-takot sina . O baka pareho lang silang walang respeto sa kapwa nila artista?

‘Yan ang pakiramdam ng ilang showbiz followers sa ginawang “Jojowain o Totropahin” vlog ni Erich kamakailan na guest niya si Kit Thompson.

Walang-pakundangang sunod-sunod na binanggit ni Erich kay Kit ang mga pangalan nina Agot Isidro at Janice de Belen na obvious naman na parehong mas may edad kay Kit.

Ito namang si Kit sa halip na sumagot lang na jojowain o totropahin, nagsalita pang parang diring-diri kina Agot at Janice.

Reaksiyon ni Kit noong ipakita sa kanya ni Erich ang litrato ni Agot na 54 years old na: ”Grabe ka naman! Ganoon ka-tanda?!”

At nang ipakita naman ni Erich ang litrato ni Janice, 52, bulalas na naman ni Kit: ”Kung si Janice de Belen, 10 years ago, pwede pa.”

Pero kaya naman siguro, panay mas may edad kay Kit ang ipinakita ni Erich ay dahil sa pelikulang Belle Douleur, na unang ipinalabas sa Cinemalaya bilang entry ng lawyer-producer na si Jojo Alonso, nakipag-simulated sex si Kit ng dalawa o tatlong ulit sa isang character na 45 years old na at ginampanan ni Mylene Dizon (na, ayon sa Wikipedia, ay 44 years old na ngayon sa totoong buhay).

Ayon sa isang katoto namin sa panulat, malamang na mabawasan ang fans ni Kit.

May ilang showbiz followers na nagsasabing dahil sa mistulang panghihiya sa kapwa artista na ginawa ni Erich sa vlog n’ya, isang “starlet” uli ang tingin nila sa aktres kahit na ilang beses na itong nagbida at nag-prodyus ng sariling action movie noong 2018, ang We Will Not Die Tonight, na idinirehe ni Richard Somes. 

Habang isinusulat namin ito, wala pa kaming namo-monitor na reaksiyon nina Agot at Janice.

KITANG-KITA KO
ni Danny Vibas

About Danny Vibas

Leave a Reply

Your email address will not be published. Required fields are marked *

*

Scroll To Top