Friday , June 18 2021
Breaking News
You are here: Home / Showbiz / Mommy Pinti ‘naisahan’ nina Toni at Alex: Umaming they ‘did it in Taytay’
Mommy Pinti ‘naisahan’ nina Toni at Alex: Umaming they ‘did it in Taytay’

Mommy Pinti ‘naisahan’ nina Toni at Alex: Umaming they ‘did it in Taytay’

SIGURO mapapailing at kakamot na lang sa ulo ang nanay ng magkapatid na Toni Gonzaga-Soriano at Alex Gonzaga-Morada na si Mommy Pinty kapag napanood nila ng mister niyang si Daddy Bono ang latest vlog ng huli na in-upload sa Youtube channel nitong Miyerkoles ng gabi na umabot na sa mahigit 3M views.

Tila naisahan ng magkapatid ang magulang nila na may insinuation na nauna muna ang ‘churvahan’ bago ang kasal nila dahil sa tanong, ‘Did it in Taytay’ na parehong I Have ang sagot nilang apat kasama sina direk Paul Soriano at Mike Morada.

“Uy, Taytay also, hmm mom and dad,” nanunuksong sambit ni Alex.

Isa pang nakai-intrigang tanong, ‘did it while my parents are in the other room’ ha I have ang sagot nina Alex at Mikee at Never naman sina direk Paul at Toni.

Sa pagkakatanda kasi namin ay nabanggit noon ni Toni na hanggang salas lang si direk Paul at never na nakarating ng kuwarto niya noong mag-jowa palang sila, pero sabi nga hindi naman lahat sinasabi.

At malamang ganoon din sina Alex at Mikee na sabi nga ng huli, ”’yung sinasabi niyang lumpuhan, fake news ‘yun.”

Inamin na rin ni Alex na nagtatakipan silang magkapatid kapag may date sila noong boyfriend/girlfriend palang ang status nila dahil nga strict ang parents nila.

Isa pang revelations ay ‘wild girl’ noon si Alex at marami siyang nakahalikan na hindi niya naging boyfriend at may mga pinaasa rin siya.

Hmm, isa na nga kaya ang kilalang singer na kaya pala panay ang tanggi na naging girlfriend niya si Alex dahil pinaasa lang siya, pero panay ang labas nila?

Hindi naman itinanggi nina Toni at direk Paul na nagpapadala sila ng naughty text messages sa isa’t isa samantalang ‘never’ naman ang sagot nina Mikee at Alex.

At dahil 6 years nang mag-asawa sina direk Paul at Toni ay naisip din nila minsan na sana ‘single’ na lang sila. Bagay na nararamdaman daw iyon sa mag-asawa pero hindi naman mangyayari.

Anyway, marami pang kalukahang pinagsasabi si Alex sa kanyang vlog na tuwang-tuwa naman ang asawang si Mikee.

FACT SHEET
ni Reggee Bonoan

 

 

About Reggee Bonoan

Leave a Reply

Your email address will not be published. Required fields are marked *

*

Scroll To Top