Monday , May 10 2021
Breaking News
You are here: Home / News / 258 Bulakenyo pinagkalooban ng burial at calamity assistance
258 Bulakenyo pinagkalooban ng burial at calamity assistance

258 Bulakenyo pinagkalooban ng burial at calamity assistance

UMABOT sa 258 Bulakenyo ang pinag­ka­looban ng pamahalaang panlalawigan ng Bulacan ng burial assistance habang 300 para sa calamity assistance sa ginanap na pamamahagi ng tulong pinansiyal para sa housing materials ng mga nasalanta ng bagyong Ulysses na ginanap sa Bulacan Capitol Gymnasium, sa lungsod ng Malolos, nitong Huwebes, 11 Pebrero.

Ayon sa Provincial Social Welfare and Development Office (PSWDO), ang calamity assistance na nagkaka­halaga ng P3,000 para sa housing materials ng mga nasalanta ng bagyong Ulysses ay donasyon ng Bagong Henerasyon Partylist sa pangunguna ni Rep. Bernadette Herrera-Dy.

Samantala, ang 258 indibidwal na pinag­kalo­o­ban ng burial assistance na nagkakahalaga ng P2,000 ay kabilang sa 550 benepisaryo ng trust fund ng lalawigan mula sa Regional DSWD.

Bukod dito, pinangu­nahan ni Gobernador Daniel Fernando sa pamamagitan ni Rowena Tiongson, pinuno ng PSWDO, ang pamama­hagi sa 50 benepisaryo ng medical at assistive devices tulad ng nebulizer, blood pressure apparatus, glucometer, wheelchair at iba pa na kaloob ng pamahalaang panlalawi­gan ng Bulacan.

Taos-pusong nag­papasalamat si Fernando sa mga tumulong at patuloy na nagbibigay ng donasyon para sa mga Bulakenyo dahil mala­king bagay ito upang maibsan ang hirap na nararanasan.

“Maraming salamat po sa lahat ng mga kababayan natin na may busilak na puso na hindi nagsasawang tumulong sa ating mga kala­lawigan. Tunay po na kapag mas marami ang nagtutulungan, mas marami pong buhay ang ating mababago at mabibigyan ng pag­kakataong maka­pag­simulang muli,” anang gobernador.

(MICKA BAUTISTA)

About Micka Bautista

Leave a Reply

Your email address will not be published. Required fields are marked *

*

Scroll To Top